دخلت المدونه النهارده ..... سمعت حاجه غريبه أوي أوي أوي ..هتقولي أغنية عمرو مصطفي "لمستك"..طيب ودي فيها إيه ؟؟........ إنتي شكلك كده ... ولا بلاش.. لا تزعلي مني... يا عم خليك معايا... ركز معايا ... أنا مش مجنونه علي فكره.... هقولك سمعت إيه وإنت تحكم.... سمعت ... سمعت... سمعــــــــــــــــــــــــــــــــــت ...خير اللهم اجعله خير... صوت زغاريت... من نوع لووووولوووووووولوووووووووووي.... أه ... صدقني... ليه مش عايز تصدقني ... شكلك كده هتقول المدونه دي مسكونه عفاريت..و صاحبتها ترللي ولاسعه.... وناوي ما تدخلش المدونه دي تاني.... يا إبني ما تتسرعش إسمع للآخر.... مش إحنا متفقين إنك هتديني ودنك.... صدقني مش هقول توووووووووووووووووووووت.... وأخرمهالك علي الفاضي.... هقول توووووووووووووووت ... بس براحه ... ما علينا خلينا في الزغاريت اللي ملأت المدونه ..... إيه بدأت تسمعها.... شكلك كده بدأت تسمعها.... طيب يا بنت أو يا ولد ياللي في المدونه اللي جانبي سامعين..... شكلكوا كده سمعتوا.... صوتها عالي أوي... أوي ... أوي.... صاحبتكوا اللي هي أنا إتخضت.... وقلت يمكن بوست شم النسيم بزغاريته أثر علي عقل المدونه و إترجمت الزغاريت المكتوبه إلي زغاريت مسموعه..... و أنا هغلب نفسي ليه ..... أنا هسأل المدونه بتزغرتي ليه يا مدونتي العزيزه .... إوعي تقول البت رحاب إتهبلت .... أنا مش قايله قبل كده إني بحب المدونه.... أيوه يا سيدي بكلمها وبترد عليا..... شكلك كده هتقول المجنونه أهي..... الله يسامحك لو كنت قلتها ... ويسامحك برده لو عقلك بيقولك قولها..... نرجع لمرجوعنا .... كنت بقول إيه.... توهتني يا شيخ .... أأأأأأأأأأأأه... كنت هقولك أنا قلت إيه للمدونه وأنا بسألها عن الزغاريت
أنا : إنتي إتهبلتي يا مدونتي... يا حبيبتي ... إهئ إهئ إهئ... ولا تكونيش فرحانه علشان طلعت أينشتين... ولا تكونيش متوقعه إني هتجوز قريب مثلا .... فقلتي تفرحي من قبلها
المدونه: ههههههههههههههههه....و هي دي حاجه تفرحني يا بنتي
أنا : إخص عليكي.... بقي ما تفرحليش أنا.... أمال مين اللي فرحانه له أوي كده وهاتك يا زغاريت.. في حد مهم عندك أهم مني
المدونه الندله الزباله : طبعا يا رحاب... في .... إنتي مش عايشه في الدنيا .... ما عرفتيش إن جمال كتب كتابه علي ديجه يوم السبت اللي فات والفرح يوم 4 مايو... و طبعا دول مش فرح واحد .... دول إتنين.... لأنه نفس يوم عيد ميلاد الريس التسعه وسبعين .... طويل العمر يطول عمره يزهزه عصره ....هاهي
أنا: حتي إنتي يا مدونتي إتعلمتي النفاق وهتهيصي في الهيصه... إنتي مش مضايقه من اللي بيحصل في الناس... اللي بيتجوز ده ولي العهد .... فرحانه أوي كده ليه.... ربنا يتم له بخير... بس يحل عننا
المدونه المنافقه: بصي يا أختي ..إنتي مش عايشه في الدنيا...ما هو علشان هو ولي العهد و علشان هو عمره ما هيحل عننا لازم أعمل كده...ده نظيف بعت برقيه للريس النهارده يهنيه بعيد ميلاده وبيتمني له عمر مديد وهو بيحمي مصالح محدودي الدخل... وأنا أنضف منه وبدأت الزغاريت من بدري ... أه ... مفيش حد أحسن من حد
أنا بإنكسار شديد : يا خساره ... حتي إنتي كمان
المدونه اللي واضح إنها بقت واقعيه : كده كده مش طايلين حاجه .... يمكن لو هيصت أطول حاجه
أنا بسخريه: وإنتي هطولي إيه يا مدونه يا حقيره
المدونه الزباله: أصلي إنتي فقر.... وأنا عايزه أبقي مشهوره ومهمه.... لازم أهلل... علشان أوصل... وأبقي في مواقع الصف الأول... يمكن أعجبهم ويعملوني موقع لأمانة السياسات... وأترقي مع جيمي وأبقي موقع لرئاسة مملكة مبارك العربيه... بصي أنا عندي طموح سياسي... و إنتي معطلاني بشعاراتك الفارغه
أنا: يا خساره... أنا كنت عملاكي علشان تبقي صوتي.... وفي الآخر تقلبي عليا
هي : هاتي ودنك ................. توووووووووووووووووووووووووووووووووووت
لو مش مصدق إن ده حصل..... هات ودنك... ما تجيب .......... تووووووووووووووووووووووووووووووووووت
79 comments:
ههههههههههههههههههه
ههههههههههههههههه
انا لو منك اخاصمها
كدومنك طلعت واطية اوي بس عارفة هي واقعية
عندها حق
اصلها لو مش اتحزمت ورقصت
هتخسر كتير
اذا كن الشعب المتحضر كله هيطلع في التلفزيون والرفحة مش سايعاهم عشان جيمي وديجا هيتجوزوا
مستخسرة علي مدونتك انها تفرح
بقولك ايه انا هروح اشوف مدونتي وزعت الشربات ولا لسة
خيااااااااانة
تبقى عايشة مع المدونة وانتى اللى مربياها وفجأة تلاقيها باعت القضية ويأست من اللى بيحصل وقررت تبقى حزب وطنى ..اكيد المدونة بتاعتك كانت بتتفرج على القناة الاولى وبتقرا جرايد الحكومة ..
يا اخونا ... كل واحد يخلى باله من مدونته يشوفها بتقرا ايه وبتتفرج على ايه وبيتكلم مين ... محدش ضامن حاجة اديكو شوفتوا اللى حصل مع رحاب
استر علينا وعلى ولايانا وعلى مدوناتنا يا رب
اه ياودني
بس والله فيها الخير انها كانت صريحة معاكي
ما تسمعي كلامها يمكن هو ده اللي ينفع في الزمن ده
:)
تحياتي
اولا ربنا يفرح الجميع...و ان شاء الله تعم الافراح مصر كلها... ربنا يفرح الجميع..
ثانيا.. بلاش نسبق الاحداث بالنسبة لولاية العهد... هو نفي...فلننتظر ما ستأتي به الايام...
ثالثا: أحييك علي اسلوبك الساخر غير الرتيب و لا الممل.
رابع : ارجو ان الاختلاف في الراي لا يفسد للود قضية...
خامسا: انا احترم رايك رغم اختلافي معك
فيما جاء فيه.
تحياتي
samraa alnil
شفتي ... حتي المدونه خاينه وما لهاش أمان وزباله ... أنا لسه شاربه الشربات عندك... هههههههههههه...إلحقيها قبل ما تديها عشره بلدي ..ههههههههه
سلامااااااااات يا أنوج
واحد من الناس طارق
تصور يا طارق لقيتها بتتفرج علي عمرو عبد السميع وبتقرا لعبدالله كمال في روزا اليوسف... وأسامه سرايا في الأهرام.... هههههههههههه... خاينه وزباله... خلي بالك من مدونتك لا تقلب هي كمان... فتح عنيك علي الآآآآآآآآآخر
سلاماااااااااااااات
شادي فادي
علي فكره أنا في شئ لله... كنت لسه بقول عايزه أدخل مدونة شادي فادي... لقيت سيادتك هنا... أهلا بيك في أول زياره... وآسفه لو ودنك وجعتك في أول زياره.... هههههههههه... و المدونه الزباله دي أنا هربيها و مش هسمع كلامها
سلاماااااااااات
الربان
أهلا بيك.... والأيام بننا ... طبعا الإختلاف في الرأي لا يفسد للود قضيه... بس الشواهد كلها هي اللي مخلياني أميل للرأي ده... ولك مطلق الحريه في أن تميل لرأي آخر
منور
وسلاماااااااااااات
هههههههههه....حرام عليكي يا بنتي ..ده أنتي أطلتي ودني أنتي و مدونتك...هههههههههه
بس تعرفي و الله الحوار لذيذ و شيق..يعني بصراحه كده مزهقتش منه خالص
و ألف ألف مبروك لجيمي و يجعله عزبه بابي عمار عليه و علي أولياء العهد
تحياتي لكي
جميل اوي الحوار ده وجميل اوي الصراحة اللي بينك وبين مدونتك بس اعتقد ان هايكون في عتاب جامد اوي بينكم بس مش قدام الناس صح ولا انا فاهم غلط
سيبك منه يا مدونة :d
بوست جميلة
(( هرتلة ليلية ))
www.nightlyhartalh.blogspot.com
هههههههههههههههه
يا خرابى بقى بعد ما تعمليها وتكبريها تقلب عليكى الواحد بقى خايف والله على نفسه
بس بوست هايل
تحياتى
3'ayari el sa3a ya reri
هاتي ودنك انتي
توووووووووووووووووووووووت
شوفتي ذي ما عملتيها فيا
مدونتك بتغرد
آدي آخرة تربيتنا فيهم
نكبرهم ونعلهم
وفي الآخر يبهدلونا
حسبي الله ونعم الوكيل
طلعت أنضف من نظيف
خير إن شاء الله
خير
خير
خير
مش فاهم اي حاجه
خالص
؟ممكن تفهميني الموضوع ماشي فين
واتوبيس كام بيروح فين ؟
اصل انا تايه في البوست
loooool
asl amsalek men el 7akeden homa elly mebawazen el balad :D
يااااااا
بقى بعد الى عملتي معاها تعمل فيكى كده فعلا دى الخيانه العظمه
انا لو منك اغيرها عشان اعرفها ان فى زيهاا كتييير
هههههههههههههه
تحياتى ليكى
مدونه لذيذه بس ودنى وجعتنى من تووووووووت دى :)
اوعى تخاصمى مدونتك علشان تفضلى تكتبى حاجات حلوه
واذا كان على النفاق ياخبر ابيض بكرهه كره العمى والمشكله انه متوافر جدا وفى كل حته على رايك ده لو كمان الاشياء زى المدونه والقلم و..
بقت منافقه ده انا انتحر
صحيح مدونه عضت الايد اللى كتبت فيها :)
لأ إنتي كده ... برااافو عليكي خاااالـــص ....، يعني شويتين كمان وتاخدي دكتوراة تانية خاااالص !!! .. ف حاجات تانية خاااالــــــــــص ...
.
.
.
أمـا أنا فما زلت أصحح غلطتي اللي الناس فهمتني فيها غلط ، أيوة عندي ف المدونة
... تحياااااااتي
مدونتك لاهي خاينة ولا قلبت عليكي
مدونتك طلعت فاهمة
بتدور علي مصلحتها
والمفروض تفرحيلها
عشان لو هي مزغرتتش
فيه غيرها هيزغرد
يبقي هي أولي
تحياتي
ميرسي جدا لتشريفك مدونتي المتواضعة وتعليقك على المدونة
منتظر تعقيبك على بوست تاني
http://sfahmy78.blogspot.com/2006/01/art-1958.html
حتى انت يا نيرون
الخيانة جاتلك يا رحاب من اقرب الناس ليكى
بس انتى عارفة كده مدونتك منش هتتحاسب ولا هتتهم بالجاسوسية وانها انضمت للجماعة المحظورة
وساعتها ممكن المدونة تستسمح البهوات ليكى وميخوكيش على امن الدولة بتهمة انك مباركتيش للبهوات
قولي لمدونتك, بما إن صاحبتها أينشتين, وليها شعبيه, و عايزه توصل
Join
http://payperpost.com/
يجعله عامر
لا انا كده هسحب منك شارة العبقرية وتاج عمنا اينشتين رحمه الله ...
انت ازاي تعترضي على جواز الراجل وعايزاه يحل عننا كمان واضح انك ابتديتي تخرفي بجد ....
تحياتي ليكي يا مدونتها انت طلعتي اعقل منها
ويجعلا عامر بحسك وصوتك دايما ...
هههههههههههه
تحياتي يا جميل
Thanks for you work and have a good day
My next work goes to be made in Arab. The heading is: Egipto, the mother of the World.
معلش يا مدونة حظك وحش وقعك في واحدة ليسا عايشة على الشعارات الي مش جيبة همها
نصيحة ادام انتي مدونة بتفهمي غيري الباسوورد بتاعك وخلي صحبتنا تقول توووووووووووووووت بجد
ههههههههههههههههه
ايه النداله دي
مدونات اخر زمن
كل اللي عنده مدونه يلمها بقي عشام ميحصلوش اللي حصل ده
كعادتك بجد روحك عاليه قوي
ربنا يخليكي يا رب
انتي من المدونات اللي بدخلها ببتسم و بضحك بجد
في وسط عالم من المدونات النكد
و انا اولهم يعني
هع هع هع
تحياتي
شكلك كده هتقول المدونه دي مسكونه عفاريت..و صاحبتها ترللي ولاسعه
:) ده رايي من اول مادخلت عندك اصلا يا رحاب
طبعا بما ان مدونتك طلعت عميله
فيشرفني ادخل اعلق عندها في يوم عيد ميلاد الريس (طويل العمر يطول عمره ويزهزه عصره وينصره علي مين يعاديه هاي هيء)صاحب ازهي الانجازات اللي معيشنا في ازهي عصور الديموقراطيه
وجواز المحروس ولي العهد اللي هيبقي عصره اكيد ازهزه واكثر دمقرطه
وياريت تكلملنا حد من المسؤلين يعمل مدونتي ريسيكل بن لابن علاء الصغنن
ابقي تعالي عندي في المدونه اكلمك علي راحتي (الواحد يدخلك شايل صوره الريس بعد كده)
:)بالمناسبه طلعت جون كنيدي
والفيلم raiders of the lost ark
اهو اقله فيلم معروف
كان نفسي في اينشتين عااااااااااااااا
micheal
ياللا برد عليك من ورا المدونه الخاينه أصلها راحت الفرح دلوقت... شفت الخيانه... قلت أرد براحتي ... أصلها هتوصل أخباري للبالي بالك ....هههههههههههههه... ملت شرم الشيخ زغاريت... سامعها طبعا... ههههههههههه
سلاماااااااااات يا باشا
sendbad
أعاتبها... إسكت يا عم أصلها بقت واصله وأنا خايفه منها... بقولك راحت الفرح ... ههههههههههه
سلامااااااااااااات
king asr
أهلا بالكينج وبهرتلته الليليه ... شكرا علي المروووووووووووور
سلامااااااااااات
bos bos
أهلا يا بسبس منوره... شفتي الندله... ولا أقولك بلاش ... أصلي بخاف منها ... خلاص دي بقت جامده أوي... هاتي ودنك ... دي راحت الفرح في شرم الشيخ ... ههههههههههههه
سلاماااااااااااات
اللهم صلي عالنبي
لا حول ولا قوة الا بالله
اللبن المغشوش عمل تأثيره اهوا بين الشباب
انا قلتلكم من الاول يا جماعة مصدقتونيش
امبارح واحد ماشي يشد في شعره في الشارع ويقول البخ البخ عو عو
ودلوقتي الاخت رحاب عمالة تكلم في مدونتها
وبكرة هنلاقي واحد ماسك الكومنتز بتاعته
وعمال يقول
انا مش قصير قزعة ..انا طوييل واهبل
صباحو قشطة
anonymous
غيرتها ... والله شكرا ليك... لو ما قلتش ولا كنت هاخد بالي.. مين بقي اللي فكرني ؟؟
shermen
هاتي ودنك ... المدونه راحت الفرح... خدي بالك كل كلامك وصل لفوق ... خلاص عدت... وصلت وبقت جامده...هههههههههههه... بقت نضيفه بشكل
... منوره في أول زياره ياريت تتكرر
سلاماااااااااااات
الدبور
هههههههههههههههه... ليه كده؟؟؟... ده حتي الأتوبيس ما إتأخرش... وحتي لو إتأخر إستني اللي بعده..إنت باين عليك كده مستعجل.. خد تاكسي ... لو فاهمه أكيد هفهمك... ههههههههههههه... إيه يا دبور... بطل زن علشان ودني لإتخرمت من زغاريت المدونه وزن سيادتك..ههههههههههههه
سلامااااااااااات يا أسامه
omas
يا لهوي ... انا من الحاقدين ... طيب لووووووووووووووووووووووووووووووووووووولللللللللللللللللللللللللي
شفت... أنا زغرت أكتر منك كمان ...ههههههههههههه
ده مصر اليوم في عيد
ههههههههههههه
سلاااااااااااااااام
mamado
إنت كده رحت في داهيه .هههههههه.. محدش يتكلم عليها كده... بقولك واصله ... وراحت الفرح .. وزمانها متحزمه وهاتك يا رقص هناك ... يجعل كلامنا خفيف عليه
أهلا بيك في أول زياره.. ما تقطعش الجوابات ولا الزيارات
سلاماااااااااااات
kitty
ههههههههههههه... حلوه حكاية مدونه عضت الإيد اللي كتبت فيها دي... كلبه بقي... ولا أقولك بلاش أغلط فيها ... أصلها بقت علي صله بالناس اللي فوق
يا ريت أشوفك تاني يا بت يا كيتي ومعلش لو كانت ودنك وجعتك في أول زياره .. بس برده هاتي ودنك ... وما يهمكيش .. ههههههههههه
سلاماااااااااات
إبراهيم معايا
ميرسي خاااالص... إنت يا إبراهيم معايا خاااااااالص... و كده يبقي حقي خااااااااالص ... هههههههههههه... خااااالص.. إنت علقت خاااااااالص
سلامااااااااات خاااااااالص
the alien
وأنا شكلي هطلع أشطر منها وأديها زغاريد جامده... من فرحتي ليها.. منورني
سلاماااااااااااات
shreif fahmy
أهلا بيك يا شريف ..والعفو يا سيدي...وإن شاء الله هعلق عالبوست التاني
سلامي ليك
ahmed taher
حتي أنت يا فرويد... المدونه خلاص خارج السيطره ... راحت الفرح.. وأنا إنتهزتها فرصه وهاتك يا شتيمه فيها ... هعمل إيه ... خلاص عدت وبقت واصله... ههههههههه
سلاماااااااات يا أحمد
david santos
مصر هي أمك ..طيب ليه يعني ؟؟..هتعمل بوست بالعربي عنها .... علي رأي مايكل ... حد يشوف الراجل ده عايز إيه ؟؟؟
مصر هي أمي
هههههههههههههه... لو عايز واسطه قول وما تتكسفش... المدونه وصلت عالآخر... وراحت الفرح دلوقت... ههههههههههه... ناس بتفهم ... خلينا إحنا نشتم و خلاص
سلاماااااااااااااات
aardvark ef111b
هقولها حاضر ,, ربنا يسهل
سلامي ليك
اسكندراني في الغربه
ههههههههه... إنت بتحرضها عليا... هي ناقصه .. منور .. وياريت تكررها
سلامااااااااات
proid
ما تغلطش فيها... إنت مش سامعني وأنا عماله أحذر المدونين.... هقولك تاني... هات ودنك .. المدونه واصله... تصدق راحت الفرح النهارده.. وزمانها قايمه بالواجب زغاريت ورقص... هههههههههه.. ربنا يخليك يا رامي .. وشكرا ليك
سلاماااااااااااات
حصان بري
هههههههههههههههههه
هههههههههههههههههههههههه
جامده جدا حكاية الريسيكل بن لإبن علاء الصغنن... هقولها تكلمهم ... هي دلوقتي في الفرح بتقوم بالواجب... لما تيجي هقولها علي الموضوع... هههههههههههه
ميرسي علي رأيك في المدونه ... هههههههه... وصاحبتها ... فهمتني علي طول ... ههههههههه
و بعدين ماله كنيدي... عينك في أينشتين ... هبقي أسلفهولك لفه ..هههههه.. كفايه عياط .. ههههههههههه
منور يا باشا
سلامااااااااااااات
واحد من الناس
أهلا يا علي ... أخبار الإمتحانات إيه يا باشا ؟؟.. إوعي تشرب لبن اليومين دول خالص ... لتهيس في الإمتحانات تبقي مصيبه... شفت اللي جرالي يا علي ... عاااااااااااااااااا... أنا مش قصيره أزعه أنا طويله و هبله
هههههههههههههههههههههههه
سلاماااااااااااااات
بقى المدونه الى طلعت للنور على ايديكى تعمل كده
حاجه عجيبه
بس صحيح انتى ايه الى مزعلك .. الراجل عايز يكمل نص دينه فيها حاجه دى..اما امرك غريب يا شيخه
وبعدين انا شايفه انك تسمعى كلام ستك وتاج راسك المدونه عشان تاكلو عيش........ولا عيش ليه هما مش هيوزعو جاتوه ولا ايه
:))))
ياكلو بيتى فور .. ياكلو جاتوه .. ياكلو كل الى يحبوه
ولا ايييييييييييييييييه
تحياتي لأسلوبك العذب
لكني حزين على مدونتك التي خانتك لكي تصل
كما يخون كل الناس اليوم انفسهم
لكي يصلوا
تحياتي لقلمك المبدع
ههههههههههههههههه
أما مدونة منافقة صحيح
تعرفيانا لو منك اهريها بقى بوستات ضد العيلة الملكة واخلي مسئوليتي...فهي الللي تروح اللومان لوحدها
ههههههههه
خيااانة....لا يسلم الشرف الرفيع من الاذى حتى يراق على جوانبه الدم
اقفلوا الخائن
صباحوو لسعان
كان نفسى مدونتى تبقى زيك
بس انا قاطع لسانها
ههههههههههههههههههههه
بصى يا رحاب .. هي قنبلة صغيرة و فجرى المدونة بالبلوجسبوت و ريحي دماغك
احنا ناقصين ياختى
!!!
السلام عليكم
الموت للخائن
بس حاسبي احسن تروح تفتن عليكى
مودونتك جميلة
:)
shayma
جاتوه وبتي فور وكله اللي يحبوه يا شيمو.... كله ... ههههههههه... تصوري راحت تبارك النهارده في الصباحيه ... ههههههههههه
سلامااااااااااات
صاحب البوابه
مدونه عارفه سكتها ... مش زي صاحبتها
سلامي ليك
متغيره شويه
هههههههههههههه... خدي بالك إنها بتوصل كل حاجه للناس اللي فوق .. والناس اللي تحت... ما تغلطيش أوي... ههههههههههه.. أنا بحذرك هتتخدي في الرجلين .. أه ماليش دعوه يا سلمي
سلامااااااااات
marvel
ههههههههههههه... في رأيك نخلص عليها ونخلص .... البوست بتاعك الأخير كفيل إنه يقضي عليها ... هههههههه.. ده لو بتحس وبتفهم... ما تقطعش الزيارات ولا الجوابات
سلامااااااااااات
safa7 karmoz
ههههههههههههههه.مساؤه طآآآآن..طبعا مش سفاح ... بقولك تاخد كام وتخلص ... ههههههههه
سلاماااااااااااااات
sharm
ههههههههههههه..أنا عارفه يا أخويا .... أفكاركوا كلها دمويه ... تاخد كام وتخلص يا أحمد... أصل قلبي رهيف .. هههههههههه
سلاماااااااااااااات
mesh2dra
هي لسه هتروح تفتن .... ماهي فتنت ووصلت لهدفها ... هي راحت تبارك لجيمي في الصباحيه... هههههههههه
أهلا بيكي ... ويا ريت أشوفك تاني
سلامااااااااااات
بعدين بقى سبيها تفرح
احنا فى زمن الفرح فية قليل
ولما بيكون بينور ظلام الليل
ربنا يوفقك ويكرمك
تحياتى
HI Rihab
Now you are modifying the well known idea of cosidering the {insight} as a person who can talk to yourself, and you made it a separate personality who can attend the weddings and acts very gladly,and showing emotions by voice and body language!!!!!!!!!, I have a question to you, whom exactly has been to the wedding of Jemmy and Diga, YOU or YOUR INSIGHT??
In both cases , You are lost,Or you are physically dissociated!!!
Have a good day yahatla yabint elhatla
Magdy Almaghraby
بقولك هاتى ودنك كده
ههههههههههههههههههه
هههههههههههههه
مدونتك واقعيه شويه وعايز تعييييييييييييش
بس تعملى ايه احنا فقريييين ومش عايزنهم
ههههههههههههه اوعى تسمعى كلامها
تحياتى
سلامااااااااااااااااااات
بوست سهلك من الضحك
فضلت أدور على اللى مفرح المدونة المنافقة دى لحد ما فهمت
:))))
على فكرة متشكرة قوى على التهنئة اللطيفة بعيد ميلاد جنى
تحياتى
انا ولا هقول مجنونه ولا اى حاجة خالص مالص الجنون فنون وربنا يكملنا بالعقل
وعلى مدونتك يعنى الى انتى بتكلميها وطلعت بتنافق تلقيها عقلها ضرب منك
اما بقى على موضوع هات ودنك انا مبديش ودنى لحد انا دايما متعود اسيبها فى البيت
تحياتى
دمك زى العسل على فكرة
و المدونة بتاعتك محتاجة حد يظبطلها دماغها احسن الحالة تزيد عليها و تبلغ عنك
خللى بالك على نفسك من مدونتك
و ربنا يستر
الى زميلة المهنة اللى خرمت ودانى
انتى اللى دلعتى مدونتك..لو كنتى من الاول كتبتى فيها كام صفحة
ceutical
ولا كام رسمة
industrial
كانت عرفت ان الله حق
ونسيت هى مدونة ولا برشامة امتحانات
اول مرة ليا هنا...بش اكيد مش الأخيرة
tamer nabil
بتها تفرح علي الآخر... فضحتني بالفرحه بتاعتها
سلاماااااااااااااااات
magdy
إيه يا خالي الفضايح دي ؟؟؟.,الله ... مش تحترمني شويه ... بس حلو التحليل النفسي بتاعك ده .... مش عارفه مين اللي راح ... لما هعرف هقولك هههههههههه
سلاماااااااااااات
حسام مراد
إنت غيرت الصوره يا شغال ... بس برده عرفتك ...هههههههههههه... إحنا وش فقر .... ههههههههههههه
سلامااااااااااااات يا شغال
ياسمين
منوره ياجميل .... شفتي النفاق ... عيني عينك ... والعفو يا ياسمين ... وكل سنه وهي طيبه كمان مره
سلاماااااااااااات
ضد الظلم
إيه ده ؟؟؟ إنت تقصد إن عقل المدونه ضرب من صاحبتها ... يا عم الله يسامحك ... وبعدين هتيديني ودنك يعني هتديهالي ... هههههههههههه... الجنون فنون قال
سلامااااااااات
hesham
شكرا ليك ... أديني بحاول أظبطها ... عقلها ضرب بعيد عنك ...ههههههههه... بس برده فين برقيتك لسيادة الرئيس ... ياعم قولها ... وما تخافش من الأمن .... مدونتي واصله هتتوسط لك ...هههههههههه... ولا بلاش أحسن ,,هههههههههه
سلامااااااااااااات
van gogh
ههههههههههههههه.. تصدق مش هيعدلها إلا برشامة
ceutical
فكرتني بأجمل ماده ..هههههههههه
أهلا بزميل المهنه في أي وقت
سلامااااااااااااات
Post a Comment