Monday, May 7, 2007

تهييييييييييييييييييييس وهرتله صباحيه


صباح الهرتله والتهييس كمان
النهارده يعني توداي ... دخلت سيده في مكان شغلي ""اللي بقضي فيه التكليف "" ... و كنت ماسكه الدستور اليومي
بتصفحه وتحديدا كنت بقرأ مقال بلال فضل و مندمجه معاه وبضحك علي كلامه كالعاده .... قالت السيده لي ((إيه ده إنتي كده تاخدي مخالفه ))..... ضحكت كعادتي وقلت في سري هو أنا راكنه عربيه في الممنوع يا ست إنتي علشان آخد مخالفه ... عادي فوتي يا رحاب وصباح الهرتله والتهييس ... ده عقلي اللي قالي كده ... بس برده السوس جوايا عايز يعرف الست دي تقصد إيه ؟؟؟.... قلتلها تقصدي إيه .... قالتلي هو الدستور ده وطني ولا معارضه ... إبتسمت كده و قلتلها معارضه .... قالتلي أصل المعارضه بقت تخرف أوي ....الواحد يقرا الأهرام الأخبار الجمهوريه.. غلط عليكي كده ...أصلها ضد الحكومه ... صاحبتكوا اللي هي أنا أخدتها الجلاله و عليت صوتي و قلتلها طيب ما أنا ضد الحكومه .... ضحكت بإزبهلال ... إلا صحيح يعني إيه إزبهلال ... اللي فيكوا عارف يقولي ... و بعدين قالتلي ما كلنا ضد الحكومه ... وفتحت زي الراديوا شتيمه في الحزب الوطني ونوابه و فضيحة عمنا حيدر البغدادي والسيديهات الفاضحه بتاعته ... صباح الهرتله والتهييس ... الست بينها ضربت ... ما كانت من شويه بتنصحني ما أقراش غير جرايد الأخ سرايا وأخوه القط وإبن عمهم محمد علي إبراهيم ......الست طلعت الشحنه بتاعتها وزميلتي صرفتلها الدوا وخرجت .... وأنا بقول في سري طبعا .... يا حول الله ... شعب عايز يروح السرايا الصفرا ...
صباح الهرتله والتهيييس اللي بقي عند الناس
من حوالي إسبوع .... يعني من حوالي وييك .... شوفتوا ترجمه فوريه أهي ... ومحدش يقول دي هرتله ولا تهييس لا سمح الله ..... دخل عليا ... مش عارفه إيه حكاية الناس اللي بتدخل عليا ...بس المره دي دخل عليا في الصيدليه... أول لما شفته قلت الخلقه دي مش غريبه عليا .... بس برده قلت صباح الهرتله والتهييس ... تلاقيها تهيئات من اللي بتجيلي... هبقي أحكيلكوا عليها بعدين .... خلينا دلوقتي في الخلقه ... قصدي في الشخص اللي دخل عليا ... قعد يبتسم بدون مناسبه و يسألني علي شفرات حلاقه لورد .... وريته اللي عندي ... قعد يقولي لأ مش عارف هي ولا لأ....و أنا أقول يا صبر أيوب في عقلي .... أنا شفت الخلقه دي فين .... فتحها وطلعت مش هي ... وطبعا إتدبس في تمنها .... و قعد يوصفلي اللي هو عايزها ... وأنا مش فاهمه حاجه ... وبينت إني فاهمه يقصد إيه ... أمال أطلع جاهله .... و هو الإبتسامه مرسومه علي وشه شبرين .... و أنا أقول شفت فين الخلقه دي .... ومستغربه من التناكه اللي هو فيها .... ده إنت حتي عايز شفرات لورد..... المهم مشي .... وكل يوم طول الإسبوع اللي فات ينطلي... يسأل عن الشفرات .... يا صباح الهرتله والتهيييس .... هو مفيش صيدليه غيرنا .... وأخيرا بدأت أفتكر مين هذا الشخص .... و إسترجعت شريط ذكريات زي الهباب .... وهو إن الواد ده ساكن جنبنا و ما أقلكوش ... صااااااااااااااايع قليله عليه .... وكان مره إتخانق مع أخويا الصغير اللي هو من سنه خناقه كبيره ... المهم إنه كل يوم ييجي .... فأنا بقول للدكتوره إنتي ليه ما طلبتيش الشفرات للواد ده علشان أستريح منه .... قالتلي يا دكتوره هو مش عايز شفرات .... ده بيدور علي عروسه صيدلانيه .... قلت في عقلي ... يا خرابي .... حتي أنت طمعان تعمل المشروع ... وتقعد جنبه ... صباح الهرتله والتهييس ... صاحبتكوا عايزها كوبري للصيدليه ... صباح الهرتله والتهييس .... عايز يتجوز واحده أكبر منه ومش فارق معاه أي حاجه .... كل اللي يهمه الصيدليه ...
صباح الهرتله والتهييس اللي بقي عند الشباب

71 comments:

micheal said...

هييييييييييييي..أنا صاحب أول كومنت عند رحاب..مش مصدق
بالنسبه لحوار الصحف فالصحف اللي زي الاهرام و الاخبار متخديش منها الا النفاق و الضغط العالي و اديكي شفتي يوم 4 مايو كميه النفاق كانت عامله ازاي و كأنه عيد قومي اما صحف المعارضه فحتقريها و مش حتلاقي غير اتهامات بالعماله و الخيانه عمال علي بطال و حتلاقيهم مطلعين نص البلد عملاء و خونه و مشاركين السفير الاسرائيلي في مشروعات و في النهايه برضه حترفعلك ضغطك
أما بالنسبه للشاب الصايع فربنا يشفيه و يشفي أمثاله و ميهمكيش من الاشكال دي..خليكي مركزه في شغلك
تحياتي لكي

LOJAIN said...
This comment has been removed by the author.
LOJAIN said...

مستغربة ليه يارحاب
وفى ايه بقى عدل عشان منتظره من شخصية زى ده يبقى عدل
بس الغريب انه مكتشفتيش انه لا عايز شفرات حلاقة ولا شفرات لايميلاته اللى ضايعة وانه جايز يهرتل و يهيس على راسك
ومتستغربيش ياستى ناس اعرفها جوزوا عيالهم بالمنظر ده و سفروا عيالهم و البت تبقى باسمهاالصيدلية و اهو هى بتشتغل بلقمتها. عادى
مش بحبطك بس بقولك متفكريش كتير فى المواضيع دى عشان عقلك ميبوظش هو كمان و يكمل المجموعة , لنا الله يا بنتى
يالله عايزة اشوفك عندى

Regards:
lojain :)

The Alien said...

تقرا اﻷهرام والأخبار تحس إن لبلد زي الفل وكل تمام
تقرا الدستور والمصري اليوم تلاقيها خربانة
كإن كل واحد بيتكلم عن بلد غير التانية
أنا بطلت أقرا جرايد من عشر سنين

أما بالنسبة للي بيدور علي جوازة ولقمة عيش
فمش لازم تستغربي
دا بيحصل كتير
والظريف إن البنات بتوافق

تحياتي

shermen said...

صباح التهييس

يابنتي الأشكال دي كتير أوي

من ده بكره بقرشين

كبري وهييسي براحتك

سلام يا قمر

إبـراهيم ... معـايــا said...

إززززززيـك يا روووبي ، يا مساااء التهييس ، والهرتلـة ، تاني مـرة ألاقي حـد بيكتب شبهي بالضبط ، الناس دايمًا تقول لي ركز ف اللي بتكتبه شوية ، بس اكتشفت إنه حلووو أهه .....
.
.
.
وااااااحشاااانا يا دكتووورة ، فينـك ...؟؟؟ بقى لك مدة ما بتظهريش ، رحت المنصورة ، وعديت على بنها رااايح جاي !! ، وقعدت أقول لنفسي ، ما بنها أقرب أهي :)


تحياااااتي تاني

Anonymous said...

يا صباح التهييس والهرتله
اييييييه ده كله ايييييييييه ده كله
هههههههههههههههههه
ربنا يعينك على العاهات الى بتشوفيها
:)

شادي فايد said...

صباح التهييس

اولا
إزبهلال
يزبهل
مزبهل
ازبهل
ازبهلال

انا مش عارف معناها
:)

ثانيا ايه البوست التهييس ده

hesham said...

ايه يا ريرى كل الهرتلة و التهييس ده

aeh ya riri kol el hartala & el tahees da

شفتى الترجمة الفورية اتعلمتها بسرعة ازاى

ما علينا

بالنسبة للجرايد القومية فبصراحة ماتجبيش الاهرام غير يوم الجمعة علشان الاعلانات يتاعة الوظايف اللى فيه

و لو جبتى الاخبار بالغلط ماتقريش حاجة غير نص كلمة لاحمد رجب

اما اذا شاء حظك العاثر و جبتى الجمهورية فنصيحة ما تقريش ولا حرف حرصا على قواكى العقلية و معدل ذكائك

و الاخ اللى بيدور على عروسة صيدلانية بروح ماماته ده يروح يلعب فى الطين
هو بسلامته جاهز بالشقة و كل حاجة و خلاص بينقى مهنة العروسة

لو ربنا كرمه بواحدة دبلون يبقى مامته داعبة له بس هى ترضى بيه

Anonymous said...

frist ithinking to write in english cus its hard to me to type arabic on akeybord but i think ihave to train onلان الانجلش مش هيعبر عن اد ابة انا مستفزة ان بعض الشباب شايفنا (الصيادلة البنات) مشروع للمستقبل واهو عروسة نتجوزها بالمرة اة ةةة موضوع الترين دة صعب اوى تخيلى نفسك وانت عارفة ان الراجل دة اتجوزك بس عشان انت مشروع هتعاملية ازاى الوصولي المتسلق دارين

Tamer Nabil said...

هو كمان فى الشغل عايزة تفرض عليكى تقرى اية ههههههه

هيا ممكن بقى لو رئيستك فى العمل تجيب ليكى جزى عشان ممنوع قراية الجرائد وقت العمل ممكن الا اذا غيرتى الجرنال تتنازل عن الجزى هههههه


ربنا يوفقك رحاب

تحياتى

reri said...

micheal

ههههههههههههههه... إيه يا مايكل إنت نسيت إنك إنت اللي تنبأت إن المدونه هتنجح ... ده إنت أستاذ... أنا اللي أفرح إن مايكل أول تعليق عندي
تصدق فعلا كده كده الضغط بيعلي العمليه مش جايبه همها ... أبطل أقرا جرايد... وربنا يشفييك يا اللي في بالي

سلامااااااااااااااات

reri said...

lojain

علي رأيك ... هو بقي إيه عدل ... بس الواحد بيستغرب من الجواز العجيب ده ... البنت بتبقي حاسه إنها مجرد مشروع ... ساعات بكرهه مهنتي .. لأن في كتير كل اللي يهمه إنه يتجوز صيدلانيه .. سوري بحس إن ده مش راجل أصلا ... بس ساعات بقول الحياه داست علي كل حاجه كويسه ... ليه أنا منتظره في وسط الجو ده .. إن الشباب يبقي تفكيره كويس ؟؟؟؟
الغلط فيا تقريبا

إن شاء الله هزورك ونضرب الفسيخ بقي عندك في مدونتك ... علشان الريحه ...ههههههههههه

سلاماااااااااااات

reri said...

the alien

جدع يا بيشو إنك بطلتها ... عقبالي
الجوازه ولقمة العيش بقوا أزمه دلوقتي عند كل الشباب والبنات كمان... البنات بتمشي أمورها

سلاماااااااااات يا بيشو

reri said...

shermen

مكبره ومهيسه علي الآخر
ومساء الهرتله والتهييييييييييييييس
هههههههههه... حلوه من ده بكره بقرشين ..ههههههههههههه

سلامااااااااااات يا جميل

reri said...

إبراهيم معايا

يا مساء الهرتله والتهيييس يا إبراهيم
هو في أحلي من التخريف ... وإنك تكتب وإنت مش مركز

كنت بتعمل إيه في المنصوره ؟؟؟... وبعدين كنت عدي ... مسي ...ده بنها أقرب ..هههههههههه..كنا عملنا معاك الواجب

سلاماااااااااات

reri said...

shayma

عاهات... عاهات جدا ... عاهات خالص ... نفسي أوريهالك يا شيمو

سلامااااااااااات

reri said...

شادي فايد

ماله التهييس يا شادي ... ده حتي بيبقي أجدع كلام .... وبعدين دور علي معني إزبهلال ... معقوله مش عارف إزبهلال يعني إيه ... ههههههههه... لما تعرف هفهمك بوست التهييس ده ..ههههههههه.. ماشي

سلامااااااااااات

reri said...

hesham

ههههههههههههههه... إتعلمت الترجمه بسرعه كده ... إنت واضح إنك بتركز كويس

حلوه موت النصايح بتاعة الجرايد القوميه دي ... هههههههههههههه

أما عريس الهنا فدلوقتي يا هشام الطمع بقي عيني عينك ... الواد من دول فاكر نفسه كنز والبنت المفروض ترضي بيه ... مش كفايه إنه هيتكرم ويتفضل ويتجوزها ... ههههههههههههه... الدبلون دلوقتي بياخدوا الشباب اللي في محو الأميه ... ههههههههههه

reri said...

hesham تاني مره

نسيت أقولك سلاماااااااااااااات
وبرده مستنيه برقيتك للريس ... أصله زعلان منك خالص ... الشعب كله بعت إلا إنت


سلاماااااااااااااات

reri said...

دارين

وصولي ومتسلق ... قدرنا نتخبط ونتكعبل فيهم في كل مكان... مشروع وإحنا مجرد كوبري

منوره يا كوكو
سلامااااااااااات

reri said...

tamer nabil

هههههههههههههههه... تصدق ما أخدتش بالي إن قراية الجرايد أصلا المفروض إنها ممنوع ... بس عمل إيه ... هو فيه عمل أصلا يا تامر

سلاماااااااااااااااات

A.SAMIR said...

reri
زميلتي العزيزة في الصيدلة
تدوينك وحشنا والله
بصي يا ستي الواد دة ماتعبريهوش لسبب مهم جدا مش علشان انه عايز يعمل صيدلية ولا حاجة يعني هي جت عليه ماكل من هب ودب بيفتج صيدلية دلوقتي
انما السبب يا دكتورة انه داخل يسأل على لورد....طب مايستنضف ويسأل على جيليت
حتى يعمل لنفسه منظر
تحياتي ليكي يا زميلتي العزيزة

sendbad said...

انا من راي تعملي مدونة جديدة تسميها صيدلانية جالها قرف وتكتبي فيها مواقفك اللي بتشوفيها كل يوم
اما المعارضة او الحكومة كله زي بعضه ربنا يرحمنا من العصابة دي

Amr Ahmed said...

صباح التهييس والهرتلة

يا سلام حبة مذاكرة
وبعديهم بوست تهييس

عملو ابثاق في التمحور اللاارادي

طيب انا معرفتش الست طلعت مين فين بكام

اما الواد بقي لو جالك تاني اطلبي البوليس

وقولي كان عاوز كودافين
او عاوز دستة توسيلار
من غير روشتة
_______
طلب رخم شوية
هو الحاج عمرو مصطفي يا مصطفي
صوته مبيوطاش ليه
انا عمال ادور ملقيتش
وبصراحة بيعصبني
معلش بقي
البيت بيتي انا عارف
تحياتي

Anonymous said...

انا اسف علي عدم التعليق مقدما ارجو التضامن معي لقياده حمله عدم سب المصريين

MaMaDo said...

صباح التهيس و الهرتله

اولا
بالنوسبا للدستور

ف الجريد الحكوميه عملت زى المنفاخ يفضل بنفخ فينا و يقول ان الشعب مرتاح
و يجيى الدستور...تف تف دستور يا سيادنا

يقوم شادد البلف

و عييييييييش

و عملو مؤتمر على مستوى الشارع عندنا
و قالو لو انك مبسوط النهارده
يبقى تشترى الجمهوريه عشان تفضل على نفس الموض

اما لو ضربه كئابه من الصبح عليك و على الدستور و انت اخر النهار
و مكانك مش هيكون هنا مكانك
فووووووووووووق


اما بالنوسبا
للراجل الى دقنه بتطلع على طول ده
فسيبك طبعا منه

ال طمعان ال

طب دا انا مره كنت مرطبت و كنا هنتجوز
س اكتشفت فى الاخر انها طمعانه فى الساعه

زمن الواحد مش يامن لنفسه
ال كانت عايزه تلسع الساعه
سلام بقى لاحسن الحكومه جيه
سلاااااااااااااام

خواطر شاب غاضب said...

هاي
هاي
هاي
\هاي
اين انت يا سيدتي
لناذا لاتزوري مدونتي

حصان بري said...

مسااااء التهييس ياجميل

الناس فعلا بقت عامله زي الراديو بلمسه تفتح صوت المعارضه

بيني وبينك الدستور حاسس انها بدات تدي علي اصفر
ممكن المصري يوم معتدله شويه

بالنسبه لصاحب الشفرات
انا شايف اننا لو تغاضينا عن انه صايع ومتشرد واستغلالي واصغر منك
فانا شايف انه مشروع كويس
اقصد عريس كويس
ماتنسيش تكتبي نسبه الارباح في عقد الجواز
ربنا معاكي وتكملي تكليفك علي خير
ان .بي. : البوست مسخره ولاسع كالعاده

Hannoda said...

يعني أول مرة أجيلك ألاقي كل ده تهييس؟؟؟
:))
أنا بعز الصيدلانيين جدا وسبحان الله البوست بتاعك و حكايتك عن التكليف و الصيدليات فكرني بواحده صاحبتي صيدلانية

تقربا الصيدلة ليها علاقة وو ثيقة بالتهييس
:))

أبو ضحى said...

تعرفى يا رحاب أنا زهقت من شغل الصيدليات و قرفت من الناس و تناكتهم

طيب لما تكونى بتشتغلى فى صيدلية من سلسلة صيدليات كبيرة ..و الناس اللى داخلة عندك بتفتكر انها اشترتك بالفلوس اللى جاية تدفعها
و يجى واحد ملوش لازمة و يقولك كلمتين ملهمش لازمة زيه، و متقدريش تقوليله بم..و يمكن يكون بنى ادم قليل الادب و تضطرى انك تردى عليه بكل ادب..لأنك لو اتخانقتى معاه..تانى يوم هيكون معاكى استمارة سته من الشغل
أنا مش محتاج الشغل من الناحية المادية أكتر من انى محبش اخرج منه بشكل مش كويس
بمعنى اصح محبش اترفد ..اقدم استقالتى اه اترفد لأ
انا فعلا و الحمد لله قدمت استقالتى مؤخرا و همشى بعد حوالى 10 ايام
:)

على الاقل الزبون اللى هيتصرف معاكى بشكل مش كويس هتقوليله مش عندى ..و اللى هيقل ادبه هتديله على دماغه

أنا طولت فى الكلام على موضوع الصيدليات ده
معلش اصل انت الوحيدة من المدونين اللى اعرفهم من نفس المهنة

-----
كتير بيفكروا فى موضوع المشروع ده..ما هى الدنيا بقت كلها مشاريع استثمارية

تحياتى

ياسمين said...

بجد صباح التهييس
الست العجيبة بتغير رايها زى تسريحة شعرها
والواد حاطط عينه عليكى طبعا
طب مش يمكن معجب بيكى مش بالصيدلية؟؟
فكرى كدة
:))
تحياتى

ضد الظلم said...

والله انا ندمان انى مدخلتش صيدله كان زمانى شغال والساعه 50 جنيه والاشيه معدن وكمان ممكن اسجل صاحب صيدليه واعد فى بتنا واخد فلوس يا سلام يلا نصيب مش عيزين نقر
والواد غلبان والله وطمعان بس اكيد ميعرفش ان صحبتنا غويه جنان
ولو عرف كان خلع من زمان

LOJAIN said...

انتى مش قلتيلى لا مش ضاربة فسيخ
ادينى اتصرفت فى تمنهم يا ستى

بس عند وعدى اسلك فلوس و اجيب كيلو مش مشكلة

ومجيتيش زورتينى ولا حاجة
بتضحكى عليا

طييييب انا بقى هوصى عليكى الواد المهيس ده لو مجيتيش , اما نشوف

Regards:
Lojain :)

R.R said...

:)
اه فعلا ده تهييس الناس بقت عندها ازدواجيه فى الشخصيه
معارضه ومتجاوبه فى نفس الوقت
فعلا الله يكون فى عونك
وبعدين عادى يا رحوووب اهو ضل عيل ولا ضل حيطه
:)
يلا ربنا يزيح عنا البلاء
تحياتى

عاشقة الوطن said...

ياصباح التهييس والمخ النضيف زى عمك نظيف

ماعلينا سيبك من تهييسي

المهم سيبك انتى من الحجة اللى بتقولك للأ على المعارضة يابنتى ده كله الا الدستور

وبعدين أخينا اللى عاوز شفرات الحلاقة ده ياستى تلاقيه معجب وماله
بس لو كان عاوز الصيدلية شوفي أقرب فكهانى وهاتى من عنده 10 او 20 كيلو موز كده وقشري الموز ولما يجيلك تانى ابقي اقلبيها تهييس بتهييس بقي

وذنبه على جنبه

يامساء التهيييييييييييييييس

reri said...

a.samir

هههههههههههه... طيب ما أنا قلت إني مستغربه تناكته رغم إنه طلب لورد ... أخدت بالي إنه مش بيستنضف

منور يا زميل المهنه
سلامااااااااااااات

reri said...

sendbad

والله فكره .. بس كفايه عليا مدونه واحده ... أكتب فيها كل حاجه .. لخبطيته يعني .. ما تقطعش الزيارات ولا الجوابات

سلاماااااااااااااات

reri said...

amr ahmed

دي مدونتك يا عمرو ...ههههههههههه... أنا غيرت عمرو مصطفي خالص بعد مازادت الشكوي من الإزعاج اللي عمله..هههههههه.. أقولك علي سر يا عمرو ... الكمبيوتر عندي بااااااااااااايظ... عااااااااااا... ومش بيطلع أي أصوات .. ومش هاين عليا أوديه يتصلح .. أصل ده معناه إني هبعد عنه يومين ... فأنا مش حاسه بأي إزعاج ..بدخل المدونات كلها في صمت .. سنيما صامته يعني ..عاااااااااااا
قلبت عليا المواجع

الست دي يا عمرو كانت بتصرف علاج .. مواطنه يعني
أما نصايحك فهعمل بيها كلها

سلامااااااااااات

reri said...

fares

للدرجه دي المصريين متهزأيين
يا حول الله

reri said...

mamado

ههههههههههههههههه...ههههههههههههههه
يخرب بيت عقلك يا شيخ .. بالنوسبا للبت الطماعه بتاعة الساعه دي .. تستاهل إنك سبتها ... ده أكبر عقاب ليها ... بس إنت إكتشفت إزاي طمعها في الساعه .. ههههههههههههه
بلا إرتباط جواز بلا نيله .. موضك عامل إيه دلوقت ... ههههههههههههه
بجد مش قادره ابطل ضحك طول ما أنا بقرا تعليقك

سلامااااااااااااااااات

reri said...

خواطر شاب غاضب

أصلك تقريبا علي طول غاضب ... ومش بتتقبل الرأي الآخر .. بس هزورك إن شاء الله

سلامااااااااااات

reri said...

حصان بري

إن بي : إنت بتغلط في مشرع المستقبل بتاعي وبتقول صايع ومتشرد وإستغلالي وأصغر مني ..لأ كده كتير.. عايز تبوظ المشروع ... هههههههههه... لأ والبوست لاسع ... ده حتي بوست كله عقل وإتزان
صباح الهرتله والتهيييييييييييييس

سلامااااااااااااات

reri said...

hannoda

منوراني في أول زياره ... حظك كده تييجي في بوست التهييس ... وبعدين صيدله = تهيييييييييييييييس
وأديكي شوفتي بعينك

سلامااااااااااااااات

reri said...

أبو ضحي

فضفض براحتك ...إنت ما طولتش ولا حاجه ... ربنا يوفقك في شغلك الجديد .. وتستريح فيه بعيد عن معاملة الناس اللي تجيب المرض ... إديهم علي دماغهم في العشر أيام دول ... طلع القديم والجديد .... ما خلاص .. هيعملوا إيه
الظاهر فعلا الحياه إتقلبت لمشاريع إستثماريه .. كل شئ يباع ويشتري

سلاماااااااااااااات

reri said...

ياسمين

حاطط عينه عليا ... تصدقي ... إشتري شفرات مش هيستخدمها ... ده كله علشاني ... ضحي علشاني بس تقولي إيه مفتريه ... كله مميزات يا ياسمين .. صايع .. وطماع ... وأصغر مني ... مميزات تخلي أي بنت في الدنيا لازم توافق .. ههههههههههه... بس تقولي إيه وش فقر
منوراني يا جميل

سلامااااااااااااات

reri said...

ضد الظلم

ههههههههههههه.. هو إنت كده مش بتقر خااااالص ... و بعدين هو اللي غلبان ... ماااااااااااااااشي ...بقي هيطفش من جناني ... ماشي
ما تقطعش الزيارات ولا الجوابات

سلاماااااااااااات

reri said...

lojain

رحت يا قمر... ولاقيت خساره إننا ناكل فسيخ في مدونتك ... معقوله المدونه الجميله دي نبوظها بريحة البتاع ده ... وبعدين معقوله أهون عليكي وتوصي الواد ده عليا

سلاماااااااااااااااااااات

reri said...

r.r

ضل عيل ولا ضل حيطه .. هههههه.. بس مش ضل صايع ولا ضل حيطه .. الإزدواجيه بقت سمه من سمات مجتمعنا
منوراني يا رانيا دايما

سلاماااااااااااااات

reri said...

عاشقة الوطن

أهلا بأختي في التهييس والجنان رضوي
تصدقي فكره حلوه بتاعة الموز دي .. ما تطلعش غير من مهيسه جامده زيك... ههههههههه
منوره يا رضوي

سلاماااااااااااااات

Ahmed taher said...

لا حول ولا قوة الا بالله
ايه يا بنتي اللي حصلك
اسيبك كام يوم ارجع الاقيكي كده
يالا بقا
عدوة اينشتين
انا بقترح عليكي الاتي
صيدلية خاصة بكي انت لوحدك مكتوب عليها
ممنون دخول الشباب من الجنسيين او الكبار من الجنسيين
وممكن دخول الاطفال ولاكن ليس من الجنسيين
ههههههههههههههههههههه
تحياتي يا رحوووووووووووووووبة
يا صاحبة الدم الخفيف دايما

ادم المصري said...

هههههههههههههههههههه
يا صباح الهرتله والتهييس

ELHAWARY said...

ازيك يا ريرى انا لسه عامل مدونة قريب وقريت التعليق بتاعك فى مدونتى
وكنت داخل اعلق فى مدونتك بس اول ما شفتها
بجد انا اتخبلت وكنت هاهيس اة الجمال والشياكة دى بجد حاجة تفتح النفس
واتمنى تبقى مدونتى زى مدونتك
ومحتاج تشجيعك وارائك
رازى سليمان

مركب ورق فى البحر said...

ياااااااه
الواحد كدا شكله هيتفائل على مهنته المستقبلية الصيدلية
المهم اديها تهييس ومتفكريش فحاجة

الحصان الأسود said...

مش عارف ساعات بتحسسوني يا بنات يا صيدلانيات انكم الدم الأزرق في عروقكم و انكم احسن تعليم و احلى بنات و احسن عقليات و ان الصيدلية دي مشروع اقتصادي استثماري بيدر دخل يفوق دخل قناة السويس

عارفة نوع من جنون العظمة معتبرين نفسكم دكاترة كيماويين و مديرين مشروع صيدليات ولا كأنها إدارة هيرميس وفودافون سوا

وان اي حد حلم حياتة يتجوز صيدلانية لأنها من قمة الهرم التعليمي و كمان قوة اقتصادية هائلة متمثلة في صيدلية بما تحتوية من أدوية غير مسددة الثمن لشركات الأدوية :)

بالضبط زي الدكاترة

و أكبر مثل لذلك هو ان كل واحد منهم لما بيعمل اعلان على عربيتة المهكعه يكتب "أستعمال طبيب" ههههه

تحياتي

اسكندراني في الغربة said...

يعني يا تجوزي دكتور فيما فوق يا تعنسوا دا انتوا بنات غريبة
مالو الشاب الامور بتاع الموس دا حتى واضح انة عندوا ذوق
لو غيرتي رأيك انا من عندي حنزلك خبر الفرح في الاهرام (دي تاني حاجة ممكن تتصدقيها بعد الوفيات في جرائد الحكومة

david santos said...

Thanks for you work and have a good weekend

bastokka طهقانة said...

انت لسة بتلاقي وقت تقرئي جرايد
مش كفاية النت



اوروفوار

شادي فايد said...

أنا مررتلك تاج
:)

REEMOO said...

مفيش أكتر منهم
ده عايز مشروع صيدلانيه تحت مسمى العروسه
انا كنت اعرف واحد كده بيدور على عروسه يا صيدلانيه يا دكتوره اسنان
علشان يقدر يفتح بيها مشروع كويس
ياربى على البشر دول
ملو البلد حاجه تخنق
وانتى ازيك كده:)))
تدوينه لذيذه
تحياتى

متغيرة شوية said...

ههههههههههههههه
بيدور عل عروسة صيدلانية ، وانت ايه رأيك يا رحاب؟

أنا رأيي نوفق راسين في الحلال

الست اللي جاتلك بقى دي ست مصراوية اصيلة ، بتعمل بمدأ معاهم معاهم عليهم عليهم..ويجعله عامر

reri said...

ahmed taher

شفت يا أحمد اللي حصلي ... ده أينشتين ده مش عايزه أقولك وشه حلو عليا أد إيه ... هههههههههه.. بس عسل النصيحه دي ... هاخد بيها.. هههههههههه
أقعد أتخانق مع الدبان اللي هيدخل مادام البشر مش هيدخلوا

سلاماااااااااااااااات

reri said...

آدام المصري


يا مساء الهرتله والتهييس يا آدام

سلامااااااااااات

reri said...

alhawary

أهلا بيك يا رازي يا صعيدي في أي وقت... شكرا علي المجامله بتاعتك ... وإن شاء الله تشوف مدونتك أجمل

سلاماااااااااااات

reri said...

مركب ورق في البحر

تفاااااااااااااااااااااائلي عالآخر يا بنتي ... في صيدله ستجدي كل ما يسركأما عن التهييس فده التخصص بتاعي أي خدمه فيه
منوراني وما تقطعيش الجوابات ولا الزيارات

سلاماااااااااااات

reri said...

الحصان الإسود

إنت تعليقك ضحكني جدا .. هتقولي ليه هقولك علشان إنت بتتكلم كأن البنات الصيدلانيات ماشيين في الشارع بيقولوا يا أرض إتهدي ما عليكي أدي و خاصة وإنت بتتكلم عن دخل الصيدليات اللي مليانه أدويه بشيكات
والله النظره دي ما لاقيتهاش عند أي صيدلانيه بس كلام الناس المتخلفه حوليهم اللي لسه متخيلين إن مشروع الصيدليه مشروع العمر ... وللأسف دول كتيييييييييييييير... أنا بس ذكرت في البوست مثال واحد منهم
اللي إنت قلته هو نظرة ناس كتير ليهم وللأسف إحنا نفسنا بنسخر من النظره دي وكارهنها
بس حلوه حكاية إستعمال طبيب دي وبتبقي فعلا مقطوع نفسها


منور ني يا باشا
سلاماااااااااااااااات

reri said...

إسكندراني في الغربه

ههههههههههههههههه ... ده الخبر اللي ممكن أصدقه بعد الوفيات ... لأ حلوه وملعوبه ... تعليق مهيس بس مربوط ببعضه
ما تقطعش الزيارات ولا الجوابات

سلامااااااااااات

reri said...

طهقانه

تصدقي لسه .. بس بفكر أعتزل وأعمل ماتش إعتزال قريب
منوراني

سلاماااااااااااااااات

reri said...

شادي فايد

يا صباح التاجات
هعدي أخده

سلامااااااااات

reri said...

reemoo

تمام يا قمر ... زي ما إنتي شايفه مهيسه علي الآآآآآآآآآآآخر

سلاماااااااااااات

reri said...

متغيره شويه

رأيك كده يا سلمي ... راسين في الحلال ... عايزه تخلصي مني يا سلمي .. ههههههههه...ماااااااااااااشي
أما رأيك في الست فإنتي جبتي الخلاصه ويجعله عامر بحسك

سلاماااااااااات