Tuesday, August 21, 2007

وللتدوين فوائد أخري



أنا أدون ... إذن أنا علي قيد الحياه




فترة إنقطاع هي الأطول في حياة تلك المدونه القصيره




كنت فيها الحاضر الغائب




أتابع عن بعد




صدمني خبر وفاة شيماء صاحبة مدونة شيكو أون لاين رحمها الله




كتبت بوست من حوالي إسبوعين ... عندما عرفت الخبر من مدونة إنجي ...ولكني فضلت عدم نشره




لا أنكر أنا هذا الخبر من العوامل الأساسيه للإنقطاع




كلما أجلس أمام الكمبيوتر وأحاول كتابة بوست بعيد عن شيماء رحمها الله أو عن الموت




لا أستطيع




الف ألف وأرجع تاني وأتحدث عنه وعن أناس لم أتوقع أن يصل إليهم ولكنه وصل .. رغم أنف الجميع




لم أعرف شيماء ولم يحدث أن مررت علي مدونتها صدفه




ولكني تأثرت بوفاتها وكأني أعرفها جيدا


قرأت آخر بوست لها وتأملت كلماته لأتسائل


هل يشعر الإنسان بإقتراب الموت منه


آخر بوست لها عنوانه


غياب لأجل يعلمه الله
سبحان الله




هكذا كانت الفتره السابقه




صراع مع كذا بوست جميعهم عن الموت




في النهايه حسم الصراع ... وكتبت هذا البوست الأقل في مستوي الكآبه من السابقين له




لأخرج من فترة الإنقطاع بأقل كآبه ممكنه



كم نحن ضعفاء


للأوراق والصور وإكتشفت أخيرا ..أن للمدونات أعمار أطول من أعمرانا




وإذا بي أكتشف إكتشاف آخر أجده إيجابي جدا في وسط هذا الزخم الكئيب




أن للتدوين فوائد أخري




أن تجد من يحزن عليك ولم تربطه بك أي صله




أن تجد من يدعو لك وأنت لم يسبق لك أن إلتقيته لو حتي صدفه




فائده أخري للتدوين غير التي نعرفها جميعا من فوائد وأنت حي




فائده لم أفكر فيها من قبل ... لم تخطر ببالي إلا بوفاة شيماء




رحمك الله يا شيماء




ما زلت أردد وللتدوين فوائد أخري

25 comments:

محمد عبد الغفار said...

الهذا الحد صرنا غرباء فى الواقع

الطائر الحزين said...

عارفة حضرتك ممكن الواحد وهو عايش لا أحد يذكرة و لا احد يهتم به

ولا احد يهتم لوفاته

لكن هذه الاخت رحمها الله دعى لها من يعرفها ومن لا يعرفها

والله أرى أنها محظوظة رحمها الله رحمة واسعه

تحياتى وحمدا لله على سلامتك

Hadota ... حدوتة said...

السلام عليكم
يا حبيبتى انا حسة بيكى عشان مريت بنفس احساسك
انتى خدتى وقتك فى الحزن اهو ودا كان لوحدك

الموت عظة
وليه رهبة

اهم حاجة نستفدها من التجربة دى ان اللى بيعيش من الانسان بعد موته ممكن تبقى كلمة
يبقى نراعى ربنا فيها عشان تسيب لنا ذكرى حسنة بين الناس

اخرجى من حالة الحزن
وادعى لشيماء كتير

واهم حاجة نقف مع نفسنا وقفة نصلح اللى فات ونعمل للى جاى

الموت بيخلينا نحزن على نفسنا اكتر من حزننا على اللى ماتوا لانه بينبهنا لحاجات ممكن تكون غلط بنعملها

تحياتى ليكى
وبدعى ربنا من كل قلبى تخرجى من حالة الحزن اللى انتى فيها
وتستردى ضجكتك الجميلة اللى منورة صورتك
تحياتى ليكى
:)

وحشينا اوى ومتغيبيش كده تانى

Radwa said...

رام عليك ليه الخبر المؤلم دا انا زعلت اوى بجد

catroz said...

انا اتضايقت اوى عليها
و كتبت حاجه عن الموت
بس بطريقه تانيه
مكنتش عايزوزه ادخل شيماء فى الموضوع
بجد
و شفتى يا بنتى اخر بوست هى كتبته كان فيه ايه
سبحان الله بجد
البنت كانت بتصارع الموت
ربنا يرحمها و يجعل فبرها روضه من رياض الجنه
ياااااااااارب

Van Gogh said...

زميلة المهنة ريرى

كلامك عنها وجعنى

روحت مدونتها

كلامها رحمها الله وجعنى اكتر

اللهم ما إنى اعوذ بك من غفلة الموت

ومن غفلة الحياة

ربنا يرحمها

ويرحمنا جمعياً

تحياتى ليكى

ولا تغيبى

break said...

انا كمان اتصدمت بالخبر
ربنا يرحمهما
هيا كسبت ان كل الناس دعتلها
يمكن مش اى حد بيموت كل الناس بتفتكر تدعيله
ما بالك لو كان فى العالم الافتراضى كمان!
ربنا يرحمها

نفسنا said...

فعلا التدوين له فوائد كتيرة جدا
ولو شفتى وفاء كل الناس لشيماء حتى اللى ما يعرفوهاش كلهم زعلوا ودعوا لها
وكفاية قوى الروح الحلوة دى وربنا يجعل كل دعواتهم من نصيب شيماء

حسام مراد said...

انا مكنتش اعرفها بس لما عرفت من مدونه انجى سمراء النيل
وفتحت وقريت اخر وست فعلا اتصدمت بكلماتها الاخيره والموضوع كله
ربنا يرحمها يا رب
ويغفرلها فانه واسع المغفره

بسمه عبدالباسط said...

هو فعلا الموضوع كان صدمة لينا كلنا مع أن كتير مننا ماكانش يعرفها
ربنا يرحمها ويغفر لها

انتظار مؤقت said...

انا مريت عشان اشكرك على سؤالك عني و مرورك بمدونتي في غيابي و اتمنى انك تكوني بخير ...تحياتي

LOJAIN said...

ربنا يرحمها ويرحمنا جميعا
كلامها ينم عن شخصية جميلة قوى

للتدوين فوائد اخرى
منها انى عرفتك يا رحاب
بحبك يا رحوبة

Regards:
Lojain :)

Hannoda said...

رحمها الله وأسكنها جنته.. وكماأفكر في تألمنا نحن أتألم أكتر لحال أهلها,, ربنا يصبرهم

أنا عن التدوين فأنا كتير بفكر في فوائده وفي المسكنات الكبيرة التي أجدها فيه.. و المهارات التي اكتسبتها منه و المهارات المجتمعية التي فقدتها بسببه

عزاءي لكولنا جميعا

رحمهاالله

حصان بري said...

فعلا اخر بوست لها يوجع بجد
بس هكذا الحياه
تسير دون والنظر الي الوراء
اما نقف فتدهسنا
واما نسايرها وعيوننا تقطر دما

ياريت لو كلنا ناخد عظه من وفاه شيماء
اي واحد ممكن يكون مكانها
ولكن تستمر الحياه علي راي انسانه

كويس انك خرجتي من صمتك وفضفضتي يا رحاب
دا اللي مايتكلم يكتر همه
سلامات

شمعة أمـــــل said...

رحم الله شيماء
وادخلها فسيح جناته

Anonymous said...

انا كمان معرفش شيماء بس حسيت بكلامك عن فايده التدوين
فعلا تحسى انك ليكى عالم خاص والناس الى فيه فعلا قريبين رغم انك متعرفيهومش فى الحياة
الله يرحم شيماء ويحسن مثواها
سلامى ليكى

تامر حسين said...

الانسان في الدنيا ضيف ربنا يحسن ختامنا تعيشي وتفتكري
تحياتتي

sherif gharib said...

كثيرين جدا يمكن ان تمر الحياه عليهم و كانه فيلم سينما عندما ينتهى تنتهى معه الحكايه و تضلء الانوار
لا يشعر احد به
و لكن من منا سيكون هو حقا المضيف الى تلك الحكايه من متا سيتذكره الاهرون و يقال ان فلان كان هنا يقدم و يعترض هى معادله يا صديقتى و لكن الحل واضح
اذا كانت الحياه قد فرضت علينا هذا فماذا بايدينا سوى الاثبات اننا قادرين عليها
تحياتى على احساسك

micheal said...

اذا كانت شيماء قد رحلت عن عالمنا فمدونتها باقيه و أصدقاء التدوين باقون و سندعو لها يوميا
تحياتي لكي و حمد الله ع السلامه

R.R said...

الله يرحمها ويرحمنا جميعا
حمد الله على سلامتك
تحياتى

Tamer Nabil Moussa said...

غربة النفس يعانى منها الكثير

والخروج منها ياتى دون تحديد وقت او اسباب لها فكما دخلنا فيها دون اسباب محددة نخرج منها بنفس الطريقة

ربنا يرحم شيماء

وحمد الله على السلامة رحاب

تحياتى

Eric Matt said...


انسانة كتبت البوست التالي في مدونتها وانا نقلته هنا بالنص
شيماء .. بنت مصرية عندها 28 سنة مصممة جرافيك ، عرفتها فى شهر يناير تقريبا .. دخلت عندى وكتبت فى الشات بوكس وابدت اعجابها بمدونتى ، زورتها فى مدونتها ولاقيتها فنانة زوقها عالى وكتابتها حساسة جدا، لما تدخل عندها البلوج تحس انها مدونة اختك او حد انت تعرفه كويس ، بنت مصرية محبة للحياة اوى والابتسامة مش بتفارق وشها .. جميلة ومتفائلة ودمها خفيف وذوق ، مكنتش بتابع كل مواضيعا للأسف عشان ظروف الدراسة وكدة .. بس هى كانت دايما بتابع كل مواضيعى تقريبا وعلى طول تسأل عنى وتدعيلى .. ولو جالها تاج الاقيها مهتمة انها تبعتهولى ... رغم اننا منعرفش بعض بشكل شخصى مكنتش تنادينى غير بـ " أجمل إنسانة " ..ه. بعد هوجة المذاكرة والإمتحانات إكتشفت انها مش على الساحة خالص .. إتخفت تماما .. حتى موضوع مبنى الحجيم اللى معظم الناس علقت عليه لاقيتها معلقتش .. لا عندى ولا عند غيرى ، ساعتها كانت جاية على بالى قوى ونفسى اطمن عليها ، بس للأسف كنت مضيعة اللينك بتاعها واخيرا عترت فيه ولاقيتها كاتبة بوست وبتقول:هغياب لاجل يعلمه الله حقيقى وحشتونى جدااااااومش عارفه هتوحشونى لحد امتىلكن كل اللى متأكده منه انى محتاجه دعواتكمالتجربه الصحيه اللى بمر بها مش بسيطهاذا ربنا كتب لى الشفاء منها هاحكى لكم عنها بالتفصيلتحياتى لكم كلكم.اتخضيت عليها جدا .. معقولة تبقى جاية على بالى لأنها تعبانة وفيها مكروه؟؟ .. لا حول ولا قوة الا بالله كتبتلها تعليق وسبتلها ايميلى وطلبت منها تطمنى عليها ردت على التعليق وقالت:همش عارفه اقولكم ايه .. حقيقى اكتشفت قد ايه وحشتونى وقد ايه بحبكم وعشان كده كلمة شكرا ليكم قليله انتوا بدعواتكم والبوستات اللى اتعملت عشانى خففتوا عنى كتير ربنا يخليكم ليا شكرا يا عمرو،انسانه،كوكو،بندقة،القادم اجمل،وحيد،فنان،محمود على،شاه .. واتمنى لكم دايما كل خيروردت على الشات بوكس وقالتلى:ه اجمل انسانه الله يسلمك يا حبيبة قلبى والف شكر على سؤالك علياانتظرت انها تضيف إيميلى عشان اطمن عليها بس محصلش ، فتحت النهاردة الإيميل بتاع المدونة ولاقيت ايميل ضايفنى وصاحبه اون لاين .. سألت مين معايا؟؟ .. قالتلى هوندا، سلمت عليها وكدة .. وقالتلى معلش ياياسمين مش حقدر اتكلم ولا اتعرف عليكى دلوقتى لإن حالتى كرب خالصلسة حقولها ربنا يفك كربك وخير فى ايه؟؟ .. لاقيتها بتقولى تعرفى ان شيكو ماتت؟؟ مصدقتش اللى بتقوله .. اكدتلى ان اخو شيماء كاتب فى البلوج خبر وافتها .. روحت ولاقيت التعليق ده: هأحمد صفوت said...السلام عليكم أنا أحمد أخو شيماء(شيكو) صاحبة هذه المدونة .. أعزائي ضيوف المدونة أعلمكم بأن شيماء توفيت إلى رحمة الله تعالى ليلة النصف من رجب وكانت قد أوصتني أن أعلمكم بهذا الخبر وأن أسألكم أن تقرأوا لها الفاتحة وتدعو لها بالمغفرة والرحمة ونظرا لعدم معرفتي بكلمة المرور الخاصة بها فقد دخلت وكتبت هذه الرسالة ضمن التعليقات أقسم عليكم بالله أن تدعو لها .. رحمك الله ياشيماء وأسكنك الفردوس الأعلى .. موعدنا الجنة إن شاء الله.إنا لله وإنا إليه راجعون اللهم أجرنا فى مصيبتنا واخلف لنا خير منها شيماء توفت يوم السبت اللى فات بعد ماخفت من مرضها .. توفت قضاء وقدر ، كانت بتسلم على كل اصحابها وزمايلها فى الشغل وقرايبنا وكأنها حاسه باللى هيحصل ، كانت مخططة تروح عمرة وكانت بتصلى حتى وهى فى المستشفى ، كانت ثابتة ومتماسكة وكانت هى اللى بتحاول تصبر اللى حواليها توفت وهى عندها 28 سنة ياجماعة .. لا اتخطبت ولا اتجوزت ، توفت بعد ما خفت من مرضها سبحان الله .. عشان نعرف ان كلنا ممكن نبقى فى نفس موقفها وان الموت مالوش اسباب ولا له سن معين وكم من فتى امسى واصبح ضاحكاً .. وأكفانه فى الغيب تنسج وهو لا يدرى انا فقدت اخت عزيزة جدا عليا والمجتمع التدوينى كله فقد مدونة من المدونات المحترمة جدا .. وببلغ تعازيا وتعازي كل المدونين لأهلها .. ربنا يفرغ عليكم صبرا .. يارب آمين. ربنا يرحمك يا شيماء .. اللهم ياجامع الناس ليوم لا ريب فيه إجمعنى بيها فى الفردوس الأعلى .. يارب انا معرفهاش شخصيا بس أشهدك انى احبها فيك .. يارب كما احببتها فيك أسألك وأقسم عليك بعزتك وجلالك ان ترحمها وتغفرلها وان تجعل قبرها روضة من رياض الجنة وان تبدلها داراً خيرا من دارها واهلاً خيرا من اهلها وتغمدها برحمتك وكرمك يارب العالمين .. يارب انها بين يديك الان .. يارب ارحمها واغرفها لها وتجاوز عن سيئاتها .. يارب انها فى دار الحق ونحن فى دار الباطل .. اللهم ارحمنا إذا صرنا إلى ما صارت إليه .. يارب افرغ على اهلها صبرا .. يارب صبر أمها واجمعها بكل من احبت فى الفردوس الأعلى فى صحبة سيد الخلق عليه الصلاة والسلام. اللهم ارحمنا جميعا فإنك بنا راحم .. ولا تعذبنا فإنك علينا قادر .. اللهم ارزقنا من يترحم علينا بعد وفاتنا .. يارب اخرج الدنيا من قلوبنا وازهدنا فيها ..اللهم إنا نعوذ بك من طول الأمل والتعلق بالدنيا .. اللهم إنا نشكوا إليك سؤ نفوسنا .. يارب اهدينا .. يارب اهدينا لأقرب من هذا رشدا قبل فوات الأوان يارب يارب استجب .. يارب استجب .. آمين آمين آمين .. وصلى الله على سيدنا محمد وعلى آله وصبحه وسلم أسألكم جميعاً الدعاء لشيماء ولكل موتى المسلمين
اللهم ارحمها وأحسن لها واغفر لها ذنوبها واعف عنها
أنا اعرفها من زمان لكن مش شخصيا وزرتها مرة او اتنين في مدونتها زمان وانقطعت فترة لأعود فأجدها قد رحلت
لست أدري لم لم أبك فورا لكني انتحبت بشدة بعدها
لماذا نبكي مع الموت؟ ولماذا لا نتذكره الا بفقد الأحبة
يبدو أننا لا نتعظ ولن نتعظ الا عندما يأتينا ذلك الزائر الحتمي
تذكرت جدي وكل من مات ممن أعرفه ومن لا أعرفه وكل من يموت يوميا بضجيج هائل او على سريره في هدوء قاتل فوددت أن أبكيهم جميعا:
بكاء:
يا من فارقتني أمس واني اليوم أبكيك
أبكيتني وعز عليا بعدي أن ألاقيك
رحلت عني وتركتني وحدي مناجيك
كنت أدعو الله في صلاتي أن ألاقيك
وأن يجعلني في كل مصيبة حاميك
ومسريا عنك ومن حزن مداويك
أو من ألم أو جراح عله يشفيك
لكنك أبيت الا الرحيل تاركا أثرا
يسألني بعده الناس ما فيك؟
عجز اللسان وصار دمعي يناديك
هل من مجير في مصيبتي تلك
أو هل من يقول تعال أواسيك
رحلت بجسد وفي قلبي مرائيك
بعدت عن بائع لك وعن شاريك
لتلقى رب الكون بوجه ناصع
وتسعد بلقيا رب الخلق باريك
ونحزن على فراقك اليوم وغدا
تنسى العين والقلب بالذكرى يبكيك
ثم يأتينا ذلك الزائر هو من أتاك
علنا به نسعد وفي جنة نلاقيك
في الفردوس باذن الله مكاننا
وعلى أصحابها صلوات وتبريكا
حيث السعادة كأس لابد شاربها
ومن أنهارها لابد الله ساقيكا
رحم الله موتى المسلمين

S H A H said...

ريري باشا

اين انتي ايتها الفتاة


الا يوجد بوستاتون جديدة؟

Anonymous said...

ريري ازيك وحشاااااااااااني قوي تعرفي في توارد افكار غريب ما بنا انا كاتبة برضه بوست يشبه لبوستك ده بس انتي تفوقتي فيه ماشاء الله عليكي وحشاني يا حبيبتي وياريت تطمنيني عليكي

kafrawy said...

ايوة


الانسان بيحس



ينهايتة