Friday, September 7, 2007

إرهاصات حول إشاعة صحة الرئيس

يا كلاب بقي ده كلام تقولوه علي رئيسكو
اللي حاميكوا وساتركو
وبالحكمه مغرقكو
إخص عليكوا وعلي تربيتكو
لو لفيتوا مش هتلاقوا واحد غيره يستحملكو
ويستحمل فقركوا وغتاتكو
يعيش في هنا وسعاده .. وتتحبس أنفاسكو
بطلوا إشاعات علي صحة ريسكو
ده من غيره مصر هتبقي زي نادي إسكوا
معقوله ده كلام ..رضيت زمتكوا
واحد لا بياكل أكلكوا ولا بيشرب ميتكو
ولا بيشم هواكوا ولا عايش عيشتكوا
هيتعب من إيه ؟؟؟ ... من رقص الديسكو؟؟؟
يا سم ... تموتوا كلكوا
ويعيش ريسكو
بالروح بالدم نفديك يا نادي إسكوا

30 comments:

micheal said...

ميه ميه يا رحاب...الابداع ددائما يولد من رحم المعاناه
:)
تحياتي

coca said...

هههههههههههههه تحفه بجد حلوه اوي

تحياتي

الطائر الحزين said...

فى سؤال ماذا لو مات الرئيس؟؟؟
يحيا الميت

حسام مراد said...

ههههههههههههههههه
عاش اسكو عاش
اهه منك انتى انا اارش وفاهم انتى قصدك ايه
ههههههههههههههه
يلا سلاماااااااااااات

Mohamed A. Ghaffar said...

كل سنة وانت طيبه ، شركة اسكو اتباعت لكريستال عصفور

اخر said...

انا بضم صوتي لصوتك و لاصوات كل المصريين و بقول عاشت مصر اسكو

Anonymous said...
This comment has been removed by a blog administrator.
Marvel said...

هههه..حلوة قوي

Anonymous said...
This comment has been removed by a blog administrator.
reri said...
This comment has been removed by the author.
Anonymous said...

حلوه أوي يا رحوب

The Groom said...


تحيا حسني مبارك

تحيا حسني مبارك

:(

تحياتي لك من ماناساس البلد وتحية خاصة لنادي اسكو وفاكرك يا ناسيني

Hannoda said...

لا عنك حق

إخس علينا بجد
:(


تسلم ايدك

Tamer Nabil said...

كل سنة وانتى طيبة رحاب.

فينك

تحياتى

R.O.U.R.O.U. said...

ya gaaaaaaaamd

fel goon bgd

27na fe3lan ke5a moot
2zay ne2oul kda 3ala ra2esna


(2l sh3b masek fe deel 2l 7okouma ka2enaha 2omou 2ly 5alefetou)


5alas

nb2a kda 5alseen

انتظار مؤقت said...

كل سنه و انتي طيبه يا قمر
تحياتي

MaMaDo said...

الناس دى عبيطه و لا ايه هو فى رئيس بيموت

لا بس جمده العصيده

و بعدين مين اسكو ده نادى كروى
و لا مثلث
......
انتى فين يا فندم ؟؟

sendrlla said...


هههههههههههههههههههه
لا جميله بجد
ربنا يخده سورى قصدى يخليه وياكل ويشرب هو بياكل فى مالنا يعنى

كل سنه وانت طيبه

A.SAMIR said...

وبعدين بقــــــــــــــــــى؟
انتي مالك ومال نادي اسكو؟
اتكلمي زي مانتي عايزة عن صحة ريسكو...بس مالكيش دعوة بنادي اسكو
على فكرة:
حال اسكو احسن بكتير من حال مصر حاليا
تحياتي واحتراماتي

عاشقة الوطن said...

السلام عليكم

ازيك ياريري
وحشتينييي

شوفتى الناس قلية الاصبتع شعات على الراجل وهو لسه عايش
بس هوعايش من زمان
يالا ربنا يرحمناان شاء الله

كل سنة وانتى طيبة
ورمضان كريم ياقمر
ويارب تكونى بخيير على طول

كل سنة وانتى طيبة

reri said...

مايكل

المعاناه تعمل المعجزات
منور دايما يامايكل
خاصةمع المعاناه
سلاماااااات



°°°°°°°°°°°°°°°°°°°°°°°°°°°°°°°°


كوكا

ميرسي يا جميل
إبقي كرريها كتير وهاتي ودنك
سلامي ليكي

reri said...

الطائر الحزين

عاش مات
المصير معروف
يحيا الميت

سلاماااااااااات


°°°°°°°°°°°°°°°°°°°°°°°°°°°°°°°°°


حسام مراد

ههههههههههه
ماشي يا هارش بيه
هههههه
سلامااااااااات يا شغال

reri said...

محمد عبد الغفار

وإنت طيب
تصدق كنت فاكراه لس ما إتباعش
بجملة
سلاااااااااااااام



°°°°°°°°°°°°°°°°°°°°°°°°°°°°°°°°°°°

آخر

عااااااااااااااااااااشت
سلام يا آخر

أبو ضحى said...

انا معرفش انك بتكتبى شعر عامية بالجمال ده
أسلوب ساخر و عقلية راكضة و روح مرحة لا تكاد تجاريها ابتساما و ضحكا
:))

الشنكوتي الكبير said...

يا رحاب ليه بس كده هتودينا عند عمو عباس اللي لا يسلم ولا ينباس
بتجيبي سيرة ريسنا اللي حارسنا وملبسنا
طرطور احمر كده على راسنا
بتقولي كلام كده ملفوف حاسبي يا قطه لتاخدي كفوف على رقبة حضرة سعادتكم
كل سنه وانتي طيبه
سلاااااااااااااااااااااام

shayma said...

ههههههههههههه
جامده
بجد حلوة اوى

حسن ارابيسك said...

صح لسانك
العيب فينا يافي حبايبنا
اما الريس ياروحي عليه ياروحي عليه

•«ρяoιd»•™ said...

و اخترناك غصب غصب اخترناك

اخترناك اخترناك يوم ورا يوم رحنا ضربناك

تحياتي

حسن ارابيسك said...

احببت أن أكون أول واحد في البلوجرية يقولك كل سنة وانتي طيبة بمناسبة العيد الأضحى المبارك
حسن

حسن ارابيسك said...

احببت أن أكون أول واحد في البلوجرية يقولك كل سنة وانتي طيبة بمناسبة العيد الأضحى المبارك
حسن