Saturday, July 14, 2007

مصر كانت هبة النيل


مصر هبة النيل


هكذا تعلمناها في المدرسه



وكتبناها في كل مواضيع التعبير بمجرد رؤية كلمة النيل

كنا نسطرها هكذا دون تفكير
قال عنه هيروديت أن مصر هبة النيل

عندما قرأت وشاهدت ما يحدث في بعض محافظات مصر اللي... هي هبة النيل... ما يحدث من غلق طرق والخروج في تظاهرات حاملين جراكن الماء الفارغه باحثين عن قطرة ماء تروي عطشهم ....في حادثه سيذكرها التاريخ علي أنها ثورة الجراكن
في عصر الإنترنت ..والجيل الثالث لشبكات المحمول.. والتكنولوجيا التي تحرص عليها حكومتنا النظيفه قبل حرصها علي توفير الماء الصالح للإستخدام الآدمي ... حكومه نظيفه بحق ... والدليل أنها حريصه علي توصيل الخدمات النظيفه ...أن هؤلاء المتظاهرون يضطروا إلي الحفر في الأرض للوصول إلي الماء التي تكون مياه صرف صحي غالبا ... فالحكومه وجدت أنها أكثر نظافه ...وصحيه أكثر من ماء الشرب العادي من النيل ومن المياه المعدنيه ... ونظرا لإهتمامها المفرط بصحة المواطن... قررت الحكومه أن تغير المقوله الشهيره التي حفظناها عن ظهر قلب وهي مصر هبة النيل والمصريين ... لتصبح مصر هبة الصرف الصحي والمتنيلين


نظرا للفوائد العميقه للصرف الصحي

وعليه رأت الحكومه أن الصرف الصحي هو رمز للمصريين المعاصرين... لذا سيكون شعارا لهم بدلا من تقديس المصريين القدماء للبتاع اللي ولا ليه أي فايده حاليا غير المسخره ...والكلام الفاضي والحبيبه اللي واقفين يتأملوه ويحبوا بعض عليه.. ولم تجد الحكومه له أي فوائد أخري

وطبعا هي أدري بمصالحنا العليا

ولذلك أيضا سيكون شعار مهرجان القراءه للجميع الذي يقام تحت رعاية كل السيدات الفضليات ... هذا العام شعار له مغزي يرسخ عند الأجيال القادمه المقوله الصحيحه ...حتي يكون لدينا جيل أكثرا وعيا وأكثر فهما لمقتضيات ومتطلبات وتحديات العصر ... وأكثر قدره علي إستخدام خدمات الجيل الثالث للمحمول



الشعار هو


مصر هبة الصرف الصحي والمتنيلين

وطبعا المتنيلين علشان ما ننساش الشعار القديم برده وعلشان مفيش حد يفهمه غلط هو نسبه للنيل وليس للنيله

67 comments:

Amr Ahmed said...

انتي من المعارضين المندسين

يا ساتر عليكم

شعب مش عاجبه حاجة

ايه يعني مفيش مياه

مش كفاية فيه هواء

طمععععععععععععع

محمد عبد الغفار said...

مصر هبه النيل قالها من قالها زماً فى المصريين وهمتهم وحقداً على حضارتهم

والمعنى ان شعبها لا لزوم له فمن صنع ما صنع هو النيل وهذا فى زمن الفراعين

اما فى زماننا ففيما يبدوا انها اصبحت هبه النيل

إبـراهيم ... said...

مصر حـرة يا ريري ... وهتفضل حُـرة ... حرة ف اللي بتعمله ، حرة ف اللي بيتعمل فيها ... حرة ف إنها تبقى هبـة النيل أو هند النيل ، أوحتى شيماء .....


غشمعنى هبة يعني ؟؟؟

ممممممممممممممممممم
أعصااابـك بــــس :)


تحيااااتي

وده مجرد مرور

The Alien said...

حلوة حكومة نظيفة دي
حكومة بتبني فوق وتحت مفيش
نوصل نت للبيوت ومش مهم الميه
نشغل جيل تالت ومش مهم العيش
ولما الناس تتظاهر يبقوا قلالات أدب وطماعين
ويتدخل اﻷمن لفض التظاهر وعقاب المحرضين

بس كويس إن بقي عندنا ثقافة تظاهر
تحياتي

سندباد said...

العصابة باعت وسرقت كل حاجة في البلد ودلوقتي ابتدت تسرق الميه والله اعلم بتبعها لمين
حسبي الله ونعم الوكيل

mahmoud said...

هى فعلا مصر هبه النيل
بس دلوقتى مصر هى قذارة النيل وده للئسف
ولا حاكم عدل ولا حكومة عدله
ولا حتى شعب عدل
وفعلا حلو وحش مبيعجبش حد
بس هو فين الحلو اللى معجبناش
تقبلى مرورى
محمود

اسكندراني في الغربة said...

يعني اية نيل ؟؟؟؟

Masry said...

تحيا مصر و يموت المصريييييين

Anonymous said...

معاها حق شيرين تقول
مشربتش من نيلها؟
ومعاهم حق الغرب لما يتقدموا علينا
احنا لحد دلوقتي مش عارفين نوفر أولويات الحياة
بالذمة ده كلام؟

تحياتي
انا مبشربش ميه على فكرة
بشرب شويبس
وباخد الشاور بالسفن آب
:)

reri said...

amr ahmed

هههههه
حقد بقي مالي قلوبنا
هتعمل معاه إيه
علي رأيك كفايه أوي الهوا النضييييييييييييف
شعب حقووووود

سلاماااااااات

reri said...

محمد عبد الغفار

حمد الله علي السلامه وعود أحمد للتدوين والمدونات
بس هي بجد صحيح الحكايه دي
أول مره أسمع إن ده سبب مقولة مصر هبة النيل
عموما لو كده
تبقي هبته ونص كمان

سلاماااااااااااات

reri said...

إبراهيم معايا

أهلاااااااااااا يا إبراهيم
فينك يا إبني
طبعا حره ونص كمان
وعلمي علمك
هبه سوسو ناديه
كله محصل بعضه

وأعصابي في التلاجه
:))

سلامااااااااااات

reri said...

the alien

الناس مادام هتمس أكلهم وشربهم هيتظاهروا وأوي كمان
أنا قلتها وهفضل أقولها شعب همه بطنه
اللي مسكته خوفه علي لقمة العيش
واللي خرجه وخلاه يتظاهر برده لقمة العيش
وحكومه بتشتغل في النضييييييييف
:))

سلامااااااااات

reri said...

سندباد

يسرقوها يبيعوها يولعوها
مش بلدهم
بلد الشوية حراميه

سلاماااااااااات

reri said...

محمود

دايره وبتكمل بعضها
دايرة فساد
فيها الشعب اللي همه بطنه
والحكومه النضيييييييييفه
والحاكم الأنضف منها

منور يا محمود في أول كومنت
لأني عارفه إنها مش أول زياره

سلامااااااااااات

reri said...

إسكندراني في الغربه

مش عارف يعني إيه نيل يا إسكندراني يا بتاع البحر
:))))
نيل دي من فعل ينيل وصفة منيل أما أصلها اللغوي فهو النيله
:)))))

سلاماااااااااااات

reri said...

آخر من الآخرييين

تموت مصر والمصريين وتعيش شلة الحرميين
:)))))

سلامااااااااااات

reri said...

إبراهيم محسن

تصدق سؤال شيرين وجيهه برده
علشان في ناس أكيد هتقول لأ
بس ياراجل أنا هعمل زيك وأشرب فانتا تفاح وأخد شاور بفانتا برتقال
:))))

منور يا إبراهيم
سلاماااااااااااااات

الراقـــص مع الذئـــــاب said...

حسبنا الله ونعم الوكيل
موضوع جميل ويستحق نقلش طويل
دمتي في خير

safa7_karmooz said...

مش فارك قريت بوست امبارح عند مين بيقول مصر هبة الجراكن

هع هعهع

ابتسمى انتى بس ولا يهمك حاجه

مصر هى أمى said...

اهلا بيكى فى حكومة الجيل التالت

مكتب الحكومة لخدمات الاغنياء ورجال الاعمال

عمرك سمعتى عن واحد غنى عايش فى مصر وناقصة حاجة من مارينا لشرم للغردقة لمرسى علم لارض الجولف فى دريم لاند
سعادتك الحكومة بتاعتنا متفرغة بس لرجال الاعمال وراحتهم واهه بالمرة تخلص من الفقرا اللى عملين داوشة وكمان عايزين ياخدوا حقوقهم ايه الافترا ده

.:.-=- ELGaZaLy-=-.:. said...

مصر هبة الصرف الصحي والمتنيلين


-------------------------------


مين هبة اصلا؟؟؟

حسبى الله ونعم الوكيل انا شفت قرى فى البلد دى لا تمت للتحضر بصلة ولا لمصر اصلا وفى ناس لسة بيتجوزو بنظام القبائل بجد ربنا يجازيهم


مين هبة بقى؟

R.R said...

انا شفت فعلا المنظر ده
والادهى انى عايشاه
فى المكان اللى استلمت تكليفى فيه
الناس بتشترى مايه عشان تشرب والغلابه بيشربوا من مايا ملايانه بلاوى
وحتى الميه اللى بتتباع منظرها يغنى عنها
حسبنا الله ونعم الوكيل

Hadota ... حدوتة said...

انتى شايلة كل دا فى قلبك وساكتة؟
كب ابقى روحى ارميه فى النيل وريحى نفسك

ههههههههههههه

والله ليكى حق فى كل كلمة
دى مسخرة ان الناس متلاقيش بق الميه
اصل الاكل اسمه غالى وبفلوس وقيسى على كده حاجات كتير
انما الميه ام بلاش كمان تتمنع من الناس
يالهوى يا جدعان
دا مبقاش فيه خير
بقولك؟؟؟
الواحد يروح يرمى نفسه فى النيل احسن
اهو نستحمى عشان ننضم لحملة النضافة اللى ماشية فى البلد اليومين دول
تحياااتى ليك
بوست جااااامد

عاشقة الوطن said...

ازيك ياريري وحشتينى ياقمر

النيل هبة النيل الظاهر اننا كان يبتهيألنا

الموضوع ده يبقي انت اكيد اكيد فى مصر
الناس غلابة ومش عارفين يعملوا ايه
ومش ملاحقين عليها منين ولا منين

مصر هبة الصرف الحى هو ده الحال اللى احنا فعلا وصلنا ليه

ربنا معانا ويصبر الناس اللى مقطوع عليهم المية
وثورة الجركن هى اللى شغالة دلوقتى

micheal said...

حنقول ايه بس يا رحاب..مياه ايه اللي أمتي بتكلمي عليها و مصر كلها علي صفيح ساخن و لسه مش عارفين حسني عبد ربه حيلعب للاهلي و لا الاسماعيلي
الله يسامحك
:)
تحياتي لكي

Unknown said...

السلام عليكم . بدايه المدونة بشكل عام رائعة وطريقة كتاباتك ممتعة وجذابه .أشاركك حبك للإستاذ عبدالوهاب مطاوع رحمه الله
لدرجة إنى فكرت أعمل مدونة تحمل إسم بريد الجمعة أو ماشابه..و
المهم بالنسبة لموضوع مصر هبه النيل
فإعتقد إن الحكومة فى واد والشعب فى واد مفيش مه بثلاث شهور وأربعة فى حي كامل وإمرأة تموت ولا يجدون ماء للغسل .
صورت بالموبيل تظاهرة بخصوص المياه
والنساء تصيح بشعارات مثل : الحكومة فين العطشانين أهم.الحكومة بتشرب مياه مستورده من فرنسا وهم لا يأمنون على أنفسهم من ماء النيل الذى تعكر تارة بظلم وبشاعة إستبداد الحكومة أو تغير من سلبية هذا الشعب كما قال الشيخ الشعرواى "شعب نأسف أنه سلبي " مصر هبة النيل ولا مصر هبة البتنجان
مش فارقة
وكله عند المصريين ليمون
حسبنا الله ونعم الوكيل

نفسنا said...

ندعوكم لزيارة العدد الثالث لمجلة نفسنا

اسلام رفاعى said...

حسبنا اله ونعم الوكيل فى كل من اذل هذا الشعب
.......................
سعيد بزيارة مدونتك الجميلة دى

صاحب البوابــة said...

حقاً

مصر ( كانت ) هبة النيل

تحياتي لقلمك الحر

Anonymous said...

وجعتي قلبي يا هبة النيل


مصر دلوقت بقت
هبة النيلا

Hannoda said...

الصور الأولي إديتني إحساس بالفخر.. ومع جملة (مصر هبة النيل) حسيت بفخر أكبر و إستعدّيت لبوست بيتكلم عن مصر و تاريخها الجميل اللي هو بجد فخر
وبدأت أفتكر باقية المقولة و هي إن مصر هبة المصريين

سرحت بعيد قوي بجد

وبعدين إتبطت في الكلام اللي بعد كدهة و الصور
و الفخر إتقلب لخزي.. و الإقبال بخيالي الجامح توقف و رفض يتخيل حال الناس ده .. وحال المسئولين عن البلد.. وحال البلد.. أصل القارنة مؤلمة قوي

لما تقارني بين اللي درسناه عن تاريخنا ... وعن تاريخ نفوسنا وشعبنا و قائدينا.. وبين كل دول دلوقت حاتتعبي

ربنا يرحم الناس ده... برحمته طبعا أولا

وبشوية إيجابية مننا إحنا اللي زينا زيهم

وبشوية مسئولية و ضمير من اللي قائمين على البلد ده

مش كان الكلام في التاريخ أحسن برضه؟؟ أهو نفضل مغيّبين عن حقايق موجعة

مشروع انسان said...

لنا الله
الواحد زهق من كتر الكلام الناس دى هتفضل تذل فينا لحد امتا حتى ابسط مقدرات المعيشة مش هنلاقيها سبحان الله اقول ايه بس

reri said...

الراقص مع الذئاب

حسبنا الله ونعم الوكيل

شكرا علي المرور .. ويا ريت تتكرر

سلامااااااااااات

reri said...

سفاح كرموز

من الآخر مصر بقت هبة أي حاجه معفنه
الجراكن الصرف كله بقي محصل بعضه
بس كده إحنا بنظلم هبه معانا

مبتسمــــــــــه علي الآآآآآخر
هطأ من الإبتسام
حتي شوف
:))))))))))))))))))))))))))))))))

سلامااااااااااات

reri said...

مصر هي أمي

مصر مبقاش فيها مكان لفقير
بس هو مين السبب في فقرهم
مش العنايه الفائقه بالأغنياء
أصلها حكومه نظيفه
وبتميل للناس النظيفه فقط
ده شعارها

سلامااااااااااات

reri said...

الغزالـــــي

لو عرفت هقولك علي طول
هبه
هبه
حد عارف مين هبه
ولا حد عارف
ما علينا
البلد دي فيها بلاوي
لها الله

سلامااااااااات

reri said...

r.r

حال لا يثير غير الحزن يا رانيا
والشفقه علي البلد دي
لما تكون أبسط متطلبات المعيشه غير متوفره وهي الماء
يبقي ده إسمه إيه

سلاماااااااااااات

reri said...

حدوته

هههههه
هو النيل ناقص نروح نكب فيه
ده هيطأ
زي ما كل حاجه في البلد دي هطأ
ربنا يصبرنا ويريحنا

فكرة إننا نرمي نفسنا في النيل علشان ننضف فكره مش أوي يعني
شوفي لنا حاجه أنضف من كده
الصرف الصحي مثلا
:)))))

سلامااااااااااات

reri said...

عاشقة الوطن

يبقي إنت أكيــــــــــــــــــد
أكيـــــــــــــــــــــــــــــد
في
مـــــــــــــــــــــــــــــصر
فعلا
هي دي مصر
حسبي الله ونعم الوكيل

وحشاني يا جميل ومنوره
سلامااااااااااات

reri said...

مايكل

أنا عارفه يا أخويا إيهاللي أنا بتكلم فيه ده
تفاهه بعيد عنك
إزاي أسيب موضوع مهم زي حسني عبد الربه وأتكلم في الميه
ده حتي كده أنا بعمل بلبله للرأي العام وبشغله عن همومه الأصليه
:))))
ميرسي إنك فكرتني بالهيافه بتاعتي
:)))))))))
دايما كده عايزاك تفوقني

سلاماااااااااات

reri said...

graphico

أولا أهلا بيك في أول زياره
سعيده إن المدونه عجبتك
أما عبد الوهاب مطاوع رحمه الله فكتبه وبريده هو عشقي الأول
البريد بعده فقد روحه المميزه
رحمه الله

ثانيا علي رأيك مصر هبة البتنجان والفول وأي حاجه تيجي في بالك
الميه أولي إحتياجات الإنسان الحكومه فاشله في توفيرها
بذمتك تبقي دي حكومه يوثق بها؟؟
لنا الله

يا ريت الزياره تتكرر كتيــــــــــــــر

سلاماااااااااااات

reri said...

نفسنا

إن شاء الله هزورها قريبا
ربنا يوفق

سلاماااااااات

reri said...

صاحب البوابه

هنعمل إيه بس
ربنا وعدنا بحكم جعل كل شئ بصيغة الماضي

شكرا علي المروووووور
سلامااااااااااااات

reri said...

طهقان

أعترض
بقت هبة النيله والمتنيليين
كده المقوله تبقي صح
:)))))

سلاماااااااات

reri said...

هنوده

واضح إن كل شئ درسناه كانت مجرد شعارات
الواقع بيقول إن في مهزله الكل بيشارك فيها
حكم بإستبداده وفساده
وشعب بصمته وسلبيته

فكرتيني لما قلتي إنك حسيتي بالفخر لما شفتي الصوره الأولانيه وبعد كده الفخر راح
بكلمة عادل إمام في طيور الظلام
لما قال
البلد دي اللي يشوفها من فوق غير اللي يشوفها من تحت
إنتي حسيتي بالفخر علشان شفتي الصوره من فوق
لكن مجرد ما الصوره بقت للناس الفخر راااااااااااح

منوره يا هند
سلامااااااااااااااات

reri said...

أمام الجيل

عارف هيفضلوا يذلوا فينا طول ما إحنا قابلين الذل
وساكتين عليه

لنا الله

منور دائما
سلاماااااااااااات

reri said...

إسلام الرفاعي

حسبنا الله ونعم الوكيل
هنقول إيه بس غير كده

منور يا إسلام في أول زياره
يا ريت تتكرر
سلامااااااااااااااات

daktara said...

picstalk
حديث الصور مدونة جديدة
مطرقعة
اوعي تفوتك
انظر حولك

د. خالد عزب

حصان بري said...

مييييييييييييييييه عطشااااااااااااااان يا بشر
بجد واللهي الحكومه دي بتستغبي يوم عن يوم وبتعجل باخرتها
وهتبدا الثوره من فيصل

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

LOJAIN said...

ازيك يختى عاملة ايه
نازلة نقد فى اللى حواليكى والبلد اللى اوتك و سترتك و جوزتك و شالت عيالك

هه.. دى جزاة مصر هبة النيل
ناوية تصيفى فى لومان طره
وهناك اطمنى بقى
كل وسائل الترفيه من دومينو وبيتزا و تشيز برجر موجودة
ده اذا حبيتى يبقى اجرتك من الشغل فى مصانع السجن تصرفيها فى المفيد جدا و
طبعاده بعد شوية رتوش على ارضياته و احواضه و حماماته وهم حالفين و مغلظين الايمان ماحد يغير ديكورها غيرك

يالله ادينى جيت لك على الرغم انى فى امتحانات و مش فاضية

Regards:
Lojain :)

sherif gharib said...

انتى مستغربه ليه من الموقف ده
اذا كان التاريخ هيذكر الثوره ديه بثوره الجراكن
فقبليها كانت فيه ثورات كتير قوى من ثوره للجياع و ثوره علشان لقمه العيش و ثوره للعاطلين و ثوره للخارجين على المعاش و ثوره للصحه
بس عمر ما الموقف بايدينا هيتحل
لاننا اتعودنا ان حكومتنا البارعه هى القادره على التغيير و بالتالى احنا سيبنا القضيه للحكومه يعنى احنا موكلنها عننا
ليه بقى نعترض فى الخر
و الله احنا كنا ظلمه
هههه
و الله الواحد مكسوف من اللى بيقوله ده
بس ده الواقع
تحياتى

Anonymous said...

هل الرب الإله ذكر؟؟؟


هل قدم احدهم الاثبات على ذكورة الله


أم هو أسقاط السلطة الذكورية على مفردات الأسطورة

MaMaDo said...

:(
تقريبا الواحد من كتر الكلام ده تعب من كتر ما بيشوف و من كتر ما الناس بتكلم و هو كمان بيتكلم عن الحاجات الى بتحصل فى مصر
لينا حق فى ان كله يتكلم بس لحد امتى هنقعد نتكلم و احنا واقفين امتى هنتحرك مفيش
الحاجات دى ابتدت تاثر بالسلب عليا و على ناس كتير
لحد ما وصلو لاخرهم

بس انا لسه مقتنع ان بكره احلى

و يجوز القول ان
اذا تقززت انفك بعرق الحاضر فانعشها بنظافت المستقبل


:)
بكره احلى يا ريرى

خليك فى البيت said...

خليك فى البيت يوم 23 يوليو لمعرفة التفاصيل أدخل مدونة خليك فى البيت

Anonymous said...

فعلا هم يضحك وهم يبكى
بكل ده يحصل فى بلد النيل ..طب يا جدعان اومال الدول اللى معندهاش انهار تعمل ايه؟

Anonymous said...

حسبى الله ونعم الوكيل
لا تعليق

david santos said...

الشكر لك العمل وعلى درجة جيدة في عطلة نهاية الاسبوع

أميرة said...

وياريت لما بيحصل مشكلة زى دى والا ازمة يحلوها زى بقية المسؤلين فى كل حتة فى العالم
الا تلاقيهم بكل بجاحة يقولوا لك ان الشعب مسرف فى استهلاك المية عشان ببلاش وابو بلاش كتر منه
وهو فى حاجة فى البلد دى بالبلاش امال فواتير المية دى ايه زكاة عن صحتنا
؟
تحياتى ليكى على موضوعك ياريرى

smraa alnil said...

يا سلام عليكي يا ريري يا مدرسة

ايه يا بنتي الشعارات الجامدة دي

يا بنتي البلد بقت كلها خلاص فضايح

وبعدين علي راي مرجان احمد مرجان
اوعي حد يقول ان الحكومة غلطانة في انها تخلط الصرف الصحي بالنيل
لييييييه
لانها بتدينا مناعه
ايوة الحكومة بتدينا مناعه
عشان كدة اللي يشرب من نيل مصر لازم يرجعلوا تاني
عشان ياخد مناعه

وحسبي الله ونعم الوكيل

Radwa said...


هههههههههههههههههههههه
انتو عالم غريبه لا بيعجبكوا العجب ولا الصيام فى رجب
جراكن ايه وبتاع ايع
ما تشربوا ميه معدنيه ولا حاجه ساقعه
ولما يوحشكوا لون الميه ابقوا اشربوا سبريت ولا 7 اخت

catroz said...

انتى عارفه
الحكومه مركزه على طبقه معينه
وراميه الغلابه ولا بتهتم بيهم
مهتميه بس باللى معاهم فلوس
و الغلابه يا عينى
ولا تعرف عنهم حاجه
تخيلى مش واصلين للميه
امال الاكل بقى حالته ايه
و التعليم
و..و...و
بجد الواحد يحمد ربنا على اللى هو فيه بجد
الحمدلله الحمدلله الحمدلله
و ربنا يرحمهم الناس دول و يصبرهم على قسوه حكومتنا
........:(

Anonymous said...

ههههههههههههههههههه

رحاب اذا سمحتى غيرى مكان إقامتك

وبسرعه علشان محدش يعرف طريقك

ايه الى كتباه ده يا بنتى

هيقبضوا عليكى

وكمان يعنى ..مصر هبة النيل وكل حاجه قشطة

بس هما يحلوا الموضوع والجراكن دى كلها هتتملى

بأذن الله


الحياة تمام يا جدعان


سيبك انتى

وحشانى والله

أحمد سلامــة said...

مصر مبقتش هبة النيل
مصر بقت هبة حاكميها
اقطاعيها
مصر هي عزبة حاكمي النيل
ارثهم المورث
مصر كانت
كانت

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

queen of girls said...

ايه ده ياريرى هى مصر خلفت هبه امتى والله ماكنت أعرف
يا الله الحمد لله معدتش تفرق سيناء من سوريا ندخل بقه بجد فى الموضوع
والله الكلام ده الواحد تعب منه يعنى حد يصدق أن أحنا عندنا نهر النيل العظيم والسد العالى ومشروع توشكى وعندنا نااااس مش لاقيه ميه
وفى سنه 2013الناس لوماحفظتش على الميه هيبقى عندنا مجاعات
يعنى احنا بايدينا نعمل ايه ياريرى وما ماعملنهوش ربنا يرحمنا برحمته
معلش طولت عليكى
سلاااااااام يابرنس