المصريين أهمه............حيويه وعزم وهمه **********************************************
المشهد الأول : في فيلا في المنصوريه
الواد : صباح الخير يا مان
أمه : مان !!!..... مان إيه يا قليل الأدب يا سوفاج.... بطل الكلام بتاعك ده يا ولد
الواد : خلاص يا مامي ... ذاتس فور فن .... هتروحي فين إنتي وداد في شم النسيم ؟
أمه : أبوك ...هو فين أبوك ؟؟!!... أبوك سايبني ومشغول في البيزنيس بتاعه ... وأنا هروح مارينا مع سوسو صاحبتي
الواد : أبوك... إيه أبوك دي يا ماما ... ده إنتي بقيتي بيئه طحن
أمه : بس يا ولد يا قليل الأدب .... هتيجي معايا ... ولا زي أبوك مش فاضيلي ؟؟
الواد : لأ يا ماما أصل مارينا بقت بيئه مووووووووت...أنا هروح شرم مع أصحابي ... ماشي يا جميل... شغااااال كيك... موبايلات بقي
************************************************************************
المشهد التاني : في شقه 200 متر في أي حته
الراجل : جيبتي الفسيخ يا أم أحمد
مراته : لسه... إيدك علي ميت جنيه
الراجل : ميت جنيه لييييييييييييييييه؟؟؟!!!... وطي يا واد الزفت اللي عمال تسمعه ده !!!... خليني أعرف أكلم أمك
مراته : إنت مش عايش في الدنيا....ده كيلو الفسيخ بأربعين جنيه ...هجيب إتنين كيلو ده غير كيلو رنجه وكيلو سردين ... ده غير البصل والذي منه
الراجل : أربعين جنيه!!!!!!!!..وليه ده كله... ده حتي ريحته ما تديش سعره ... وبعدين هتجيبي الكميات دي كلها ليه ؟؟؟... هتأكلي الشارع كله ولا إيه؟؟؟!!!...يا واد قلتلك حول الزفت اللي بتسمعه في التلفزيون ده ولا إستني كده...مين اللي بتغني دي يا واد ؟؟؟؟
الواد : دي روبي يا بابا
الست : إنت في اللي بتغني ولا في إيه ؟؟!!... إنت ناسي إن أختك وجوزها وأختي وجوزها وولادهم هييجوا يتغدوا معانا
الراجل : ومين اللي كان عزمهم إن شاء الله ؟؟!!!!...يا واد هي مش روبي دي بتاعة العجله... إيه اللي حصلها ؟؟؟؟؟
الواد : ما خلاص يا بابا... إعتزلت ركوب العجل وبقت الست روبي
الست : والله إنت راجل تافهه... قاعد تتكلم مع الواد في حاجات تافهه.... هات يا واد الريموت لما نجيب قناة الناس
الشيخ في قناة الناس: الإحتفال بشم النسيم حرام
الراجل : سامعه أهو بيقولك حرااااااااااااااااااااام... مفيش فلوس... بلا فسيخ بلا زفت... جت من عندك يا رب
***********************************************************************
المشهد التالت : في شقه100 متر أو أصغر في حي شعبي
((من بعيد صوت أغنية الدنيا خربانه للمطرب الشعبي اللي ما أعرفش إسمه ... ومعها صوت أغنية العنب ))
الراجل : إيه الريحه الزفت دي يا وليه
الست : زفت لما يبقي يلطشك دي ريحة السردين علشان شم النسيم يا راجل
بنتهم : بابا...هتوديشنا فين في شم النسيم
الراجل : إيه رأيكوا نروح جنينة الحوانات
الست : يا راجل...هو كل مره جنينة الحوانات ... غير ...نروح الحديشقه الدوليه ولا القناطشر الخيريه
البت : أه ... نروح القناطشر....وناخد مركب في النيل... حلوه الفكره دي يا مامتشي
الست : إنتي أحلي يا حبيبتشي....و هناخد الترمس فيه الشاي ...والكور... والحبل ... خلي العيال تفرح... لما أقوم أقول لأم ممدوشح ....علشان يجهزوا ويروحوا معانا
***************************************************************************
المشهد الرابع : عشه في العشوائيات
((في راديو صغير شغاله أغنية ما تقولش إيه إدتنا مصر))
الست وهي علي تشت الغسيل : إطفي يا واد المحروق الراديو ده ... والنبي لو الحوجاره خلصت ما أنا جيبالك واحده جديده
الواد : إنتي هتذلينا بأم البتاع الترانزستور بتاعك ده ....إنتي ما سمعتيش عن التلفزيون والراديو أبو كهربا... وديني لأكسرهولك
الست : يا لهوووووووووووووووووووووووووووووووووي...((قامت عالواد بالشبشب)) ... هي إيه بصحيح
الكهربا دي يا واد.....يا لهووووووووووووووووووووووووووووووووي
الجيران : يا لهوووووووووووووووووووووووووووووووووووووووووي ...في إيه يا أم شحته
الواد : بلا نيله....أنا سيبهالك مخضره.... أنا خارج أقعد في مقلب الزباله اللي ورانا شويه
الست : بعد إما كسرت الراديو....يا لهوووووووووووووووووووووووووووووووي
وأثناء الصريخ ينطلق صوت الراديو
(( ويأتي صوت سعاد حسني(( الدنيا ربيع ... والجو بديع
الست : لولولولولولولولوييييييييييييييييييييييييييييييييييييييييييييييييييييييييييييييييييييييييي
جاراتها :خير يا أم شحته ؟؟؟
الست : عقبال عندك يا أم شربات ...الراديو نطق وبيقول الدنيا ربيع
جارتها : لولولولولوييييييييييييي ...لولولولولييييييييييييي
الجيران : لللللللللللللللللللللللللللللللللللللللللللللللللللووووووووووووولولولولولوييييييييييييييييييييييي
يللللللللللللللللللللللللللللولولولولولولولولولولولولوييييييييييييييييييييييييييييييييييييييييييييييي
**************************************************************
تتر النهايه
الدنيا ربيع والجو بديع ....قفلي علي كل المواضيع.....قفل قفل قفل
**************************************************************************
كل شم فسيخ وإنتو بخير
من واحده بتكرهه ريحة الفسيخ إسمها رحاب
79 comments:
اعوذ بالله
حتي ف المدونات
.
.
.
.
فسيخ
:)
:)
:)
يا سلام عليه بفحل بصل مدشوش
او حزمة جرجير ومخلل واديها على المستشفى
:)
انا زمان كنت بكله لحد ما عرفت ازاى بيتعمل
:(
بس دلوقتى مقضياها رنجه هنعمل ايه بقى سمك مدخن احسن من سمك م....هيه دنيا
بجد موضوع ظريف ودمه خفيف
وكل سنه واحنا كلنا طيبين يا جميله
دومتى فى كل خير يا رحوووب
كل سنه وانتى طيبه يااموره
بوست رائع
لكني اختلف معاك ، الفسيخ انا بحبه اوي ، ومسمحش لحد يغلط فيه
طعمه ، ريحته ، ولا النكهه اللي بيسبها في البق بعد كده اسبوع
ياااااااااااااااه
علي راي اللي قال: ينفع في شتا او صيف
الللللللله فسيخ
ورنجة والقلق ده
انتي بتفكريني بالحاج
بيطفش من البيت
هههههههههههههههههههه
بس انا بقي هاخليله الريحة في البيت
هشششششششششش
اوعو حد يفتن
سلام
ماله يابنتي الفسيخ
ده تطاولعلى رمز مصر يا بنتي
المفروض يتشال النسر اللي ي العلم وتتحط بداله فسيخاية.
دي عينات عشوائية من الشعب المصري والفسيخ !؟
:)
أنا مش باكله ابدا.. معنديش انتماء
رحاب
ماله الفسيخ يابنتى
هى اول زيارة ليافى مدونتك بس شكلى كده هنختلف سوا
هو فيه أحلى من الفسيخ
كل سنة وأنتى طيبة
ومتنسيش البيض الملون
مدونتك حلوة والبوست تحفة
ههههههه...أستاذه بجد يا رحاب...و الله قمه التعبير عن التناقضات الطبقيه في مصر و عجبني بالذات مشهد العشوئيات
تحياتي لكي من شاب مصري بيكره الفسيخ برضه
هيثم أبو عقرب
أهلا بيك في أول زياره... وإنت اللي حظك كده ...جاي تزور المدونه يوم الفسيخ ...سلامي ليك
r.r
منوره يا رانيا بالجرجير والبصل بتوعك...كويس إنك بطلتي الباع أبو ريحه وحشه اللي إسمه الفسيخ
كل سنه وإنتي طيبه
سلااااااااااااااام
ghost
وإنت طيب يا سيدي
karim
ده العنب يا كريم... بيقول ينفع في شتا أو صيف يقصد العنب مش الفسيخ
و علي العموم براحتك... حبه زي ما إنت عايز
كل سنه وإنت طيب
سلاماااااااااااااااااااااااات
amr ahmed
ههههههههههههههههههه... هطفش الحاج ليييييه كده؟؟؟
سلامااااااااااااااااات
متغيره شويه
هههههههههههههههههههههه
أهلا بيكي يا سلمي....خلاص حياتنا كلها بقت فسيخ ..جت علي العلم
سلامااااااااااااااااااااات
جمييييييل قوووي قوووي يا رحاااب ، خلااااص إنتي أثبتتي ـ بما لا يدع مجالاً للشـك ـ إن دمـــك زي العسـل . . .
تحياااااااتي يا صديقتي
وآآسـف ـ بالمناسبة ـ لو كنت قلبت عليكي المواجع عندي .....
بإمكاننا دااائمًا أن نكون معًا
تحياااتي تاني
abdou basha
لو الإنتماء بكرهه الفسيخ يبقي أنا أسبقك في طابور الناس اللي ما عندهاش إنتماء
سلامااااااااااااااااااات
مالك بتقوليها من غير نفس
انا مش عارف مش بحب الفسيخ لية
وعموما كمان انا ضدالسمك بس باكلة من وقت للتانى يعنى تشجيع اللعبة الحلوة
حتى كل حاجة لما نبعد عنها ونشوفها فين وفين بيذيد جوانا ليها الاشتياق
حلوة الحلقات المتنوعة
ابدعتى فيها
تحياتى
حلو جو الطبقات ده
الناس حالها يموت م الضحك
وبعدين الفسيخ ده هو الحاجة اللي باقية للناس
هو ده الإحتفال والفرحة
الحاجة الوحيدة اللي باقية من أيام العز
أنا مش بطيقه
تحياتي
ياخرابى يا رحاااااااااب
انا موت من الضحك ايه يابنتى العسل ده
يخرب عقلك
والله انتى قلبتى عليا المواجع بقى
انا اصلا كان نفسى اضرب فسيخ بس مجابوهوش عندنا
قلبوها شوربة خضار و رز و لحمة مسلوقه
اقولك: تعالى نجيب كيلو على قدنا كفاية و نتصرف فيه بمعرفتنا
abdou basha
لو الإنتماء مقياسه أكل الفسيخ... يبقي أنا أسبقك في طابور الناس اللي ما عندهاش ريحة الإنتماء
سلامااااااااااااااااااات
عاشقة الوطن
أهلا بيكي.... ومنوراني... و هقولك زي ما قلتلك في مدونتك... معقوله الشخصيه اللي زي العسل دي تحب الفسيخ؟؟؟؟
صدقيني لو فكرتي كده... هتكرهييه وتكرههي أبوه
يا ريت تنوريني دايما
سلااااااااااااااااااام
micheal
شكرا يا مايكل ..عجبك الربيع في العشوائيات..تيجي نقضي شم النسيم الجاي معاهم...ههههههههه.. تيجي نعمل رابطة كارهي الفسيخ في مصر
سلاااااااام من واحده بتكرهه الفسيخ زيك أو يمكن أكتر منك
إبراهيم معايا
أولا نورت المدونه يا إبراهيم.... وشكرا ليك ... وما تتأسفش... ماشي
سلامااااااااااااااااااااات
ghost
ليه؟؟؟ بس في رد تاني يتقال..إنت قلت كل سنه وإنتي طيبه وأنا قلت وإنت طيب
tamer nabil
مش عارف ما بتحبهوش ليه؟؟؟؟ ده في ميت مليون سبب... عموما بشجعك علي كرهك ليه... بس السمك كويس يا تامر...شكرا ليك ومنور
سلاااااااااااااااام
the alien
منور يا بيشو..الفسيخ هو اللي باقي من أيام العز؟؟؟؟... يا شيخ يغور العز من وشه ههههههههههههه...و برده بحييك علي إنك مش بطيقه
سلاماااااااااااااااااات
lojain
أهلا بيكي في أول زياره للمدونه... وبشكرك علي كلامك اللي زي العسل ده.. واضح إنك سكر .... بس ليه ما عرفتش أوصل لمدونتك؟؟؟؟؟؟
عموما الناس اللي عندك بيفهموا جدا جدا جدا... لإنهم ما جابوش البتاع اللي إسمه الفسيخ... أما مشروع إن إحنا نجيب كيلو أنا وإنتي... فخساره يا بنتي نرمي الفلوس في حاجه معف... ولا بلاش شكلك بتحبيه... أرجوكي حاولي تكرهيه
يا ريت أشوفك تاني... سلاماااااااااات
بنيتى
يتفرد الشعب المصرى بخليط عجيب من السلوكيات والعادات والتقاليد والثقافات والحكم والأمثال، وهو شعب متعدد الأهواء والأمزجة حتى فيما بين جموع الطبقات المتماثلة وفى اطار نفس التجمعات السكانية ونفس القرى والنجوع والكفور وأتجاوز وأقول حتى فى الأسرة الواحدة !! هى بقايا عصور ماقبل التاريخ ثم الفراعنة والاغريق والرومان،وماتلى ذلك من دويلات حتى دخول الأسلام واندماج الدولة القبطية تحت لواء الأسلام، ثم ماتلى ذلك من العصر الأموى فالعباسى فالفاطمى،وتعددت المذاهب والملل من سنى الى شيعى الى صوفى ، وقليل من المرجئة والمعتزلة وغيرهم ممن لاتعلمين حتى اسماء مللهم ولامعنى لمسلكهم، ثم بعد ذلك تتعجبين مما يحدث فى شم النسيم!! ، يابنيتى
كل من عبر بر مصر المحروسة بتدوين اسمها باللوح المحفوظ خمس مرات،( أى والله خمس مرات ورد اسمها فى القرآن الكريم) ترك له أثر وترك آثار فى سلوكيات الشعب المصرى العجيب الذى أستوعب كل الثقافات وأستطعم كل الطعام
أتريدين المزيد؟؟ أم أكتفى بهذا القدر
خللينا فى محشى نوسة وسهام وذكريات أطباق ستك الله يرحمها
سلام
هههه بوست رائع
تحياتي
يا سلام يا روحى
انتى تأمرى
شوفى انتى تحب تضربى ايه و فين وانا تحت امرك و الله
رنجة , انشوجا , فاهيتا , بانجو
جولى ولا تخبيش يا زين....
بس برضه يعنى مش شوربة خضار يا شيخة
ورز ابيض
ده شم النسيم مش يوم اليتيم يختى
على العموم انتى عسل و سكر و قمرايه ودمك شربات
وسلااماااااااااااااااااااات
ومين سمعك انا اكرة الفسيخ عمي
يا رحاب ده بحس انه عامل زي الكلاب الميته!!!!
رحاب مش عارف أكتب ولا كلمة من الريحة
معاكى معطرللجو أديها كام رشة
استيقافا بس لكلمة الكلاب الميتة دى
كل اما حد يبقى عايز يقول ده ريحة وحشة يقول , اخييييييييه ده ريحة كلاب ميته:
السؤال بقى : كويستشن؟؟؟
هو انتو بتشموا كلاب ميته فين؟
كويستشن كمان؟؟؟
ولما بتلاقوا كلب ميت بتقفوا قدامه ليه اصلا؟
كويستشن اخير؟؟؟؟
ولما ريحيتها وحشة بتشموها ليه؟
مجدي المغربي
منور يا باشا دايما... مصر لمانا كلنا ...مختلفين في كل حاجه بس إتفقنا علي حبك يا مصر... كل سنه وإنتي طيبه
يا سلاااااااام ..فكرتني بالمحشي..قال يعني كنت نسيته ..لسه وكلاه النهارده
سلاماااااااااااااااات
ibn nasser إبن ناصر
أهلا بيك ... وكويس إن البوست عجبك
يا ريت تنورني تاني كتير
lojain
ده إنتي اللي سكر... بعدين نبقي نحدد معاد نضرب فيه إن شا الله الجن الأزرق
سلاماااااااااااااااااااااات
الدبور
هههههههههههههه
بصراحه أنا ما رضيتش أقول التشبيهه ده رغم إنه حقيقي... برده راعيت إن في ناس بيجيلها قلب وبتاكله
منور يا أسامه
سلااااااااااااااااام
maged stephen
ههههههههههههههههههههههههههه
عماله برش ...بس ريحته بعيد عنك مفيش حاجه مأثره
سلامي يا ماجد
lojain
واضح إنك بتحبي الفسيخ وبتدافعي عن ريحته كمان... براحتك يا جميل
دافعي براحتك ...بس حكاية الكلاب الميته دي موروثات... يعني إحنا لقيناها كده...الناس بتقول علي الريحه الوحشه كده وخلاص
منوره يا لجين
سلامااااااااااااات
هههههههههههههههههههه
لذيذ قوي اسلوبك في الكتابه
بس رشي معطر جو بقي
المدونه ريحتها مقلبوه فسيخ و بصل
تحياتي
جامده أوي بجد
هههههههههههههه
حلوة التنقلات دي
انت بتشتغلي في السينما؟
بس واضح انك واخده الموضوع من فوق لتحت
بس منزلتيش لتحت قوي واضح
فيه ناس حالتهم أسوأ من كده في بلدك
يعني بيتهم كبير هو الشارع
وأكلهم كتير في الزبالة
برده فسيخ
متفرقش كلها حاجات ريحتها وحشة
ممممممممممم
مش عارف بياكلوا الحاجات دي إزاي
المعده بتصعب عليه قوي
تحياتي يا بنت يا رحاب
دمك زى العسل
بوست تحفة بجد
تحياتي ليكي
proid
هههههههههههههههههههه
يا أهلا وسهلا بيك... وشكرا ليك
أما بخصوص الريحه... مفيش معطر جو جايب نتيجه..ههههههههه... معندكش حل
سلااااااااااااام
توته توته
منوره يا فطوم...وشكرا للمروووووور
سلاماااااااااااات
إبراهيم محسن
أهلاااااااااااا يا إبراهيم... للأسف ما بشتغلش في السنيما... ما عنكش حد يكتشفني ...هههههههههه...أنا ما نزلتش أوي ... أصل اللي تحت أوي دول
ما يعرفوش أصلا حاجه إسمها شم نسيم
و أنا زيك يا إبراهيم برده مش عارفه الناس بتاكل الفسيخ ده إزاي ...أكيد فاقدين حاسة الشم..ههههههههه ...لما تعرف بياكلوها إزاي... إبقي قولي
سلااااااااامي ليك
الأرموطي
شكرا يا باشا... وعايزين نشوفك كتيييييييير... أنا والله كنت ناويه النهارده أدخل مدونة الأرموطي اللي بشوفه في مدونات كتير... بس إنت سبقت وزرتني... ياللا فيك الخير
سلاماااااااااااااات
a.samir
أهلا بيك... وشكرا علي رأيك.. وعلي المرووووووور
سلامي ليك
موضوع بجد هاااااااااااااااااااااااايل يا رحاب وكمان لاني بكره الفسيخ جداااااا بس بجد موضوع جميل وواقعي جدااااا احيكي
والله يا رحاب انتى هايلة جدا
الموقف معبر عن حياة كل الطبقات
جميل جدا بجد
معلش يا رحا ب... متأخر شوية
بس السكتشات دى جميلة اوى ... عجبتنى اوى
حلو اوىىىىىىى
و دمك زى السكر
سلامى ليكى
والله ضحكتينى يا ريرى
صور من شم النسيم
تحياتى
مبروك اللوك الجديد ياريري ياقمر
وايه اخبار الفسيخ دلوقتى لسه برضه مش عاوزة تسمعى الكلام وتحبيه
سلام ياجميل
نور العظماء
شكرا علي رأيك .... وكويس إن الموضوع عجبك
سلاااااااااااام
sharm
منور يا أحمد... وألف شكر علي الكلامك..مبسوطه إن البوست عجبك
ما تقطعش الجوبات
سلاماااااااااااات
واحد من الناس طارق
سمااااااااااااااااااااح يا طارق... إنت بالذات تتأخر ...ما إنت مشغول بقه..ههههههههه... شكرا علي المرووووووور
سلاماااااااااات
shayma
أهلا بيكي يا شيماء في أول زياره للبلوج... و إنتي أحلي
عايزه أشوفك كتييييييييير
سلامي ليكي
ياسمين
أهلا يا جميل... أهو كده... عايزه أشوفك دايما... وكويس إني ضحكتك
سلاماااااااااااااااات
عاشقة الوطن
الله يبارك فيكي ... ما تتوقعيش أي تغيير من ناحية الفسيخ ده بالذات... هفضل علي موقفي... شكرا يا جميل
سلامااااااااااااااات
انا هروح بقى عشان انا قتيل الفسيخ
هههههههههههههههههههه
ايه يا بنتي الحوارات دي
تصدقي اني عمري ما كلت الفسيخ دة
انا اكل رنجة بس
هههههههههههه
عشان حياتنا تبقي كلها زفارة
هههههههههه
بقولك صحيح
شششششششش
خليه سر بقي
ماشي
؛)
فسيخ
يع يع يع
معلشى اصل عندى حساسية منة
سلام ياجميل
هتى ودنك كده هههههههه
بجد تجسيد جامد لطبقات مختلفه
بحييكى على البوست ده خفيف اوى زى النسمه اللى فى شم النسيم البوست ده هوه النسمه دى
سلام يا رحاب
حسام مراد
شغال
اتمنى انك تنورينى فى شغال
سلااااااااام
جميل كتير واسلوبك معبر فعلا
بس اوعي تكوني من انصار الفسيخ :)
mohamed a.ghaffar
هو إنت لحقت تقعد لما تروح.طيب نتفاهم..أجيبلك كوباية شاي.. للدرجه دي بتحبه ..ههههههههه.. بكره تندم ...منورني بجد يا محمد...يا ريت أشوفك كتيييييييييير
سلاماااااااااااااااااااات
smraa alnil
منوراني يا أنوج يا بت يا شقيه
الرنجه.. مقبوله شويه
وسرك في بير..هههههههه..بس هتدفعي كااااااام؟؟؟...مفيش حاجه في البلد دي كده ..هههههههه.. ربنا يسعدك إنتي واللي في بالي يا رب
سلااااااااااام
ليلي حسين
متهيألي بعد الكلام ده... لو حد لسه بيحب الفيخ ... مش عارفه يعمل في نفسه إيه ؟؟؟.... ما تقطعش الزيارات
سلامااااااااااااااات يا جميل
حسام مراد
يا شغاااااال ... بقي أديك ودني ...تقوم تضحك... الطبله كانت هتتخرم...ههههههههه...شكرا يا حسام ومنور البلوج
سلااااااااااااااام يا شغاااااااااال
آه صحيح إبقي قولي شغال يونفيرسال ولا دجيفيرسال... ههههههه... برده زيادة إحتياط أعرف نظامك
3lool
أهلا بيك ... و بقي بعد ده كله تقولي أنا من أنصار الفسيخ...ده أنا هعمل رابطة كارهي الفسيخ... تنضم معانا ؟؟؟؟
سلاااااااااااام
Very good, thank you.
Have a good weekend
ايه الحلاوة دي
عظمة على عظمة يا ست
بس نسيتي اهم مشهد
وهوا المشهد في قصر العروبة بجوار كوبري القبة
بين الاب الفاضل والابن البار
والسيدة الفاضلة
بس بجد عسل عسل عسل
وكل سنة وانتي طيبة بمناسبة عيد الام
لذيذة جدا هذه القصة
بالرغم من تحفظي علي سكان الشقق التي تقل مساحتها عن 100 متر
أنا ساكن في ستين ومش كده خالص :)
هههههههههه
تحياتي
واحد من الناس
هههههههههههههه... وإنت طيب يا علي... المشهد اللي نقص حذفناه لدواعي أمنيه... ههههههههههه... سلامي ليك وربنا يعينك في الإمتحانات
سلاماااااااااااات
sosa
إن شاء الله يا ساره هدخل
سلامي ليكي
أشرف حمدي
أهلا بيك... في مسلسل شم النسيم القادم نعدل في مشهد ال100 متر... ههههههه... بس دور كده هتلاقي اللي أنا كتبته بيحصل... ههههه
سلامي ليك
Post a Comment