دعوه لكل المصريين
حبايبي الحلوين المقطقطين
الطعمين الكبار العاقلين
إفهموا وما تبقوش متخلفين
بابا بتاعكم يا وحشين
عازمكم يوم الإتنين
علي إيه يا منيلين
علي إستفتاء بتاع الناس العصريين
مش زيكو يا متقندلين
إستفتاء إيه يا أبو الناس المطحونين
هقولوكم... هو إنتو علي طول كده مستعجلين
معلش يا بابا بقالنا 25سنه مستنين
بطلوا سربعه يا متسربعين
ما هو ده اللي مخليكوا مش كويسين
إستفتاء عالماده تمانيه وتمنين
ودي هتضمن نجاح كل المزورين
الله..هيه...قول كمان يا بابا...سامعين
و عالماده ميه تسعه وسبعين
و بتاعة إيه دي ؟؟ مش فاهمين
دي بتاعة الناس اللي نشك إنهم معارضين أو إرهابيين
هنتصنت عليهم وندخل بيوتهم وهم مش حاسين
و إحتمال ندخلها متخفيين
و ظباط الشرطه يدوهم بالجذمه وهم ساكتين
معلش يا بابا إحنا عارفين إن إحنا رخمين
بس هي إيه الجذمه دي علشان مش عارفين
الجذمه دي اللي هتتحط علي دماغكوا يا معفنين
هيه هيه...هيه هيه... كاب يعني يا بابا ... بجد متشكرين
قولوا بس أي حاجه إطلبوا لو عايزين
ميرسي يا بابا ... يا نصير الغلبانين
ده في تعديل علي مواد كتير تانيين
يجيلهم أربعه وتلاتين
طيب والماده سبعه وسبعين
مين اللي بيتكلم ؟؟؟.... أكيد من الإخوان أو المعارضين
الحاقدين اللي مش عايزني ألزق في الكرسي سنين وسنين
طبقوا عليه الماده ميه تسعه وسبعين
إيه رأيكوا يا مصريين
مبسوطين يا زباله وفرحانين
و هنرقص كمان يا بابا زي النواب الوطنيين
هيه هيه هيه هيه هيه هيه.... من كتر الفرحه مش مصدقين
و خلاص هنقع ميتين
هيه هيه هيه هيه هيه هيه
وسيظل المصريين مهللين فرحين مرددين """ يا ولاد بلادنا يوم الإتنين..... هننضف ونبقي مستحميين.... والدعوه عامه وهتبقي لمه .... وهيبقي لينا في البيت وريث"""
حتي يأتي يوم الإثنين.... الذي سيذكره المؤرخين .....أنه يوم ميلاد المصريين
رحاب ..... واحده من المهللين
34 comments:
ياترى أيه سبب أختيار يوم الاتنين؟
طبعا مش أجازة الحلاقين
إذا ضربك أحدهم على خدك الأيمن فأدر له خدك الأيسر
ده كان زمان
دلوقتي
نحن أعطيناه خدنا الأيمن والأيسر والقفا
ولم تبق إلا مؤخراتنا
وطبعا حضرته ما عندوش أي مانع
المهم كلامي ما يجرحش شعور أي حد
لأن كلامي مجرد كلام الدور والباقي على اللي بينفذ ده فعلا
ومن غير ما حد يحس إن شعوره اتهتك مش اتجرح
شكرا
lol
ادينا عايشين...و اللى يعيش فى مصر ياما يشوف ....!!!ا
و برضه الناس هتروح و الاموات هتصوت
و الدستور هيكون ميه ميه برأي الشعب
و الناس الوحشين امثالنا اللي مش بيحبوا البلد هيتكبسوا
اه يا بلد
بس اسلوب جامد أوي
حاجة تقرف
مش كلامك طبعا
بس انا كل ما اقرا حاجة عن مصر بيكون ده شعوري
انا اسفة
ههههههه...مش بقولك حتبقي مدونه هايله...بوست رائع بأسلوبه الساخر الجميل و علي العموم النتيجه معروفه مقدما و خلينا احنا في نتيجه ستار أكاديمي أحسن...مش هما عاوزيين كده و دستووووووووور يا سيادي....سامحوووووووووها
ربنا يكفينا و يكفيكي شر الاسياد
أرق تحياتي لكي
gad3a moooot
lazem netkalem
lazem ne3mel 7aga
wa 2ela hanefdal keda
ana ma3aky
we kefayana ba2a salbeya
انا شايف ان حسنى اخلاقه اتسحنت كتير
هو لقى ان الانتهاكات اللى بتحصل من الشرطة وامن الدولة غير دستورية ..
ودة طبعا ميرضهوش ..
يعمل ايه ؟
يعمل ايه ؟
الراجل كان فى حيرة .. يمنع الانتهاكات دى ولا يخليها دستورية ؟
طبعا اختار انه يخليها دستورية لانه ميقدرش يمنعها والا يقع من على الكرسى والف سكينة تكون فى انتظاره.
الايام الجاية هاتبقى ايام سودا ..
والله هايكلونا صاحيين .. وبالدستور
صدقت
اكيد ان شاء الله جايين
حلوة مووووووووووووت
موتينى من الضحك
برافو بجد
تحياتي وسلامي
أولا:
كل ما سأقوله الآن في هذا الموضوع قليل من العنف و مزيد من الهدوء سيكونا أفضل حرصا علي أعصابك وأعصابنا- اللي أكيد مش ناقصة - و ثانيا لي تعليق علي تدوينتك السابقة الذي جذبني بشدة أسلوبها ومو ضوعها ولكن تأخرت في الرد ..هاخبطه هنا عشان تشوفيه :أتفق معك تماما في أنكما لم تلتقيان ..وأستطيع تخيل شعورك وموقفك و أنت تبحثين بكل طاقتك عن الحرارة ..حدث لي نفس الموقف تقريبا من أيام ..ولكن لي رأي أن سعادة الطفولة وحرارتها المفقودةتتجاوز الأفراد لتشمل عدد لايحصي من الأماكن والأشياء والمواقف التي كنا نجد لها مذاقاسحريا لايمكن أن نجده الآن اذا ما زاولنا نفس الأنشطة وزرنا نفس الأماكن..فاهماني
آسف للاطالة
تحياتي والي لقاء
maged stephen
حلوه حكاية الحلاقين دي جدا... ما أخدتش بالي منها خالص.. بس هي الحكومه هتحلق لكل الشعب في اليوم ده
تحياتي ليك
محمد صلاح العزب
أهلا بيك ... منورني ... وكلامك هو الحقيقه ... مهما كانت قاسيه... فهي الحقيقه ... والسكوت عنها مش هو الحل ...يا ريت تنورني كتير.. سلاااااام
omas
بلادنا بلد العجايب كلها ... عايزه أعرف آرائك دايما في العجائب اللي عندنا.. باي
mado
اللي هيحصل مسرحيه سخيفه ... معروف نهايتها... يا ريت مفيش حد يقبل إنه يكون كومبارس سخيف في مسرحيه لن يصدقها حتي المصابين بالبله والتخلف العقلي ...أنا عارفه إنها كده كده هتتمثل وتتظبط .. بينا من غيرنا مش فارقه ... بس علي الأقل نحس إنها إتطبخت من غيرنا ... يمكن ده يرضي ضميرنا..شكرا لمشاركتك .. و يا ريت تتكرر..سلامي
توته توته
ما تتأسفيش ...كلنا قرفانين من اللي بيحصل في مصر... بس ده مش كفايه...هتقوليلي هنعمل إيه؟؟؟.. هقولك لو كنت وجدت الحل ...ما كنتش فضلت قرفانه زيك...
تحياتي ليكي
micheal
ههههههههههههههه... شكرا علي توقعاتك الجامده دي ... و هحاول أشوف حل مع الأسياد ... ما تعرفش أعملهم إيه ؟؟؟؟
و علي رأيك دستوووووووووووووور يا سياد
سلامات
dr_lazeez
يا أهلا بيك يا دكتور...السلبيه بقت جزء من حياتنا ... كلمة وأنا مالي هي اللي خلت كل واحد همه نفسه... الخوف علي لقمة العيش اللي بترميها الحكومه وكأننا شحاتين خلت الناس خايفه تفتح بقها .. النس غلابه يا دكتور .. وشايفين اللي بيتكلم بيحصله إيه... ساعات بعذرهم .. الناس حقيقي مطحونه ... كلامك مهم .. بس يتقال لشعب بيلاقي رغيف العيش بكرامه من غير ذل أمام أفران العيش..حق بسيط بيدوروا عليه ومش لاقيينه .. و لا إنت مش معايا ؟؟؟
سمعنا صوتك دايما .. سلامي
واحد من الناس طارق
يا هلا يا طارق ...كله هيبقي بالدستور ...أنا معاك إن حسني مش أخلاقه بس اللي إتحسنت ده مستوي ذكاؤه بقي عالي جدا و إلا لما يعدي التمانين من العمر ... كل حاجه هتزيد عنده... وكله بالدستور .. و الشعب في ستين داهيه يغور ...و الأيام الجايه هتبقي بيضه بياض
سلاااااااااااام
الحصان الإسود
صدقت إيه ؟؟؟؟ هو إنت كان لسه عندك شك؟؟؟؟؟؟
تحياتي
sharm
جايين منين ورايحين فين ؟؟؟؟؟؟؟
حدد... هم مين اللي جايين أصلا؟؟؟؟
سلامي ليك
ياسمين
شكرا يا ياسمين... أدينا بنتريق علي همومنا ... مادام مش قادرين نحلها ... أهو نسخر منها
عايزاكي تنوريني دايما
yosif
أهلا بيك يا يوسف...تصدق مش فارقه ...نهدي أعصابنا نحرقها ... اللي عايزينه هيعملوه.. بس الواحد جواه رفض بيطلعه وخلاص .. علشان ما ينفجرش..
بخصوص التدوينه السابقه ..إخبط رأيك في المكان اللي يعجبك.. ههههههههههه..ولا يهمك.. و فهمتك يا يوسف و معاك حق و متهيألي لما نكبر شويه هيبقي نفس الكلام علي مرحلة الشباب ..كل شئ بنعيشه لا نستطيع أن نستعيد بهجته إلا إذا عدنا إلي نفس المرحله من العمر التي عشنا فيها ذلك اليوم ... و هذا مستحيل ..
سلاااااااااااااام
Hi Dear,
This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.
http://chiccopolis.blogspot.com/
Really interesting
Karim
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
الرحمة من عندك يارب
76 % نسبة الموافقة !!!
karim
شكرا لدعوتك... ومجهودك رائع
micheal
فسي أحضر لقاء يلم المدونين... ربنا يسهل وأقدر... لو إستطعت أكيد
هسيبلك تعليق
سلاماااااااااات
واحد من الناس...علي
...أهلا بيك يا علي ...شرفتني
و النتيجه دي طبيعيه...علشان الشعب قال كلمته بحريه... و تحيا الشفافيه
صَدَقت يعني قلتي الصدق
كما في مثل أفلح من صَدَقَ
صدقتي فيما قلتي
المهم انا عجبتني القافية في الشعر بتاعك
وشايفها ماشية مع الضرب عالقفا اللي حايبقى يتصرف عالبطاقة بعد التعديلات الدستورية الميمونة ومش لازم اذن النيابة
وانما اصبح شعار المرحلة القادمة
قفا لكل مواطن
تحياتي
رحاب واحدة من المهللين
ماتستعجليش بكرة تبقي
رحاب واحدة من المتشلحين
ويجعله عامر
Post a Comment