أخييييييييييييييييييييييرا
وبعد شوية كوسه وواسطه والذي منه
وبعد إنتظار دام لفتره
وبعد محاولتين أخدت فيهم بومبه
لدرجة أني بدأت أنسي
إستطعت نقل تكليفي من مكان نص كم شويه
إلي مكان له كُم وكويس
ولأني كنت بدأت آخد علي المكان النص كم أو بالأصح الكات اللي أنا فيه وبدأت أتأقلم وأحب العيال إصحابي هناك
وإتعودت عليه خلاص ... والعشره خليتني أنسي عيوبه ... وأنسي إنه كات ... فللأسف مش فرحانه بالخطوه دي
تقريبا غاويه نكد
يمكن علشان رايحه مكان جديد ... خايفه ... يمكن علشان لسه مش عارفه هرتاح هناك ولا هيطلع هناك بكُم لدرجة إني أموت من الحر ... وأنا أخدت علي الشغل الكات بتاع وزارة الصحه وما أدراكم ما وزارة الصحه ... يمكن علشان النقل جهه متأخر بعد ما خلاص كنت نسيته .. وكنت فقدت الأمل فيه ..وكنت بدأت أتأقلم ... يمكن لو كان جهه من أول محاوله كنت هفرح بيه
عارف زي لما تكون مستني واحد صاحبك أوي ونفسك تشوفه أو حبيب مستني حبيبه وبعدين يديله بومبه وما
يجيش .. وتاني مره يعملها فيه وبرده ما يجيش ... في المره التالته هيبقي عايز يشوفه بس علشان يقوله ""تصدق بالله إنت ما عندكش دم "" .... دايما لما الحاجه اللي نكون مستنينها أوي وتتأخر عن ميعادها وننساها وبعدين تييجي بنفقد فرحتنا بيها ... وتقول لنفسك .. مش كانت جت بدري شويه .. كانت أكيد فرحتك بيها هتختلف
مكتوب عليا كل لما أتعلق بحاجه أو بشخص لازم لازم نبعد ... ده علي طول علي فكره ... طول حياتي كده
مش بقولوكوا غاويه نكد
المفروض ده خبر كويس
والناس اللي عرفت بتقولي مبروك
بس مش عارفه ليه قلب عليا مواجع حياتي
بجد بدأت أحس إني غاويه نكد
إدعولي يا جماعه... بجد إدعولي
116 comments:
هييييه..انا اول كومنت عند روكا
بصراحه كان لازم المره دى اكون اول كومنت
على اد ما انا فرحانه عشانك ياروكا لكن زعلانه
بفكر فى يوم السبت انى هروح هكون لوحدى
اصل ساعات الواحد بيكون حواليه ناس كتير بس مش حاسس بوجودهم.
الشئ الوحيد اللى مخلينى واخده الموضوع بايجابيه انه ان شاء الله هيكون خير ليكى
اجمدى يابنت ..ايه خايفه من المكان الجديد دى ..خليكى شجاعه
انت بجد شخصيتك وجديتك يخلوكى تفرضى احترامك فى اى مكان تروحى فيه
مش تصدقى قوى يعنى
نفسى اقولك انى من وقت بطلت احكى لحد حاجه عن نفسى غيرك.
وكمان انبت نفسى كتير اخر مره كنا فيها سوا عشان لما رجعت بكيت
اهئ...اهئ...اهئ
عموما دى سنه الحياه نتقابل ونتفرق
بس انا مش هاسمحلك تبعدى كتير
يارب يارحوبه تلاقى الخير كله,وربنا يوفقك ويرزقك بالزوج الصالح اللى فى خيالك,ويكون الشغل الجديد وجه خير عليكى
من غير هتوحشينى ..انت عارفه
تحياتى لانسانه من القلائل اللائى فزن بحترامى وحبى معا
كفايه بقى خلتينى ابكى تانى
ربنا يفك نكدك .. هقولك ايه يعنى
--------
مدونتى فيها موضوع ريحته وحشة
اللى بيقرف ميدخلش عندي
:)))))))
ههههههه..ده أنتي عامله زيي بالضبط
ع العموم ربنا يوفقك و يرشدك لما هو أفضل
تحياتي لكي
كوسة
وبتكرريها قدامى
راعى مشاعر الناس أبوس إيدك
بلاش حد يجيب سيرة الكوسة قدامى
برججججججججججع
بصراحة فعلا غاوية نكد
الواحد يقول الحمد لله
هوا صحيح العشرة متهنش على الواحد لكن اما يبقى ادامك فرصة كويسة الواحد المفروض يفرح بيها
عموما ربنا يوفقك
هو التغيير مخيف حبتين
إنتي لسه متعرفيش حاجة عن المكان الجديد
وبتقولي عصفور ف اليد
هو إحنا دايما كدا بنخاف من التغيير
روحي بقلب جامد
تحياتي
mbrook...lol
bossy yasetty da tbe3y fe ay mkan gded htro7eh,,we msh m3na enk tghyry elmkan yb2a htghyry nask kman.."mmkn tro7 lelkom..we brdo mt2t3esh m3 es7abk elnos kom"..lol...2sdy "es7abk bto3 elmkan elnos kom"
rbna ywf2k we mbrook tany
حرام عليكي قلبتي عليا المواجع
بس مش عارف هي صدفه ولا ايه برده الحاجه اللي كنت مستنيها بالكوسه برده اتأخرت قوي لحد ما كنت خلاص ظبط اموري وحققت جزء كبير من اهدافي بنفسي وبقيت مش عايزها بس رجعت استخسرت الفرصه تضيع مني
وبعدين اتكرر الموقف لما سيبت المكان اللي كنت جيت عليه اول تعييني ورحت مكتب احسن بس مفيهوش شباب زي اللي كانوا معايا بس المره دي انا حليت المشكله قررت اني عمر ما فى حد يقدر يبعدني عنهم ويقطع علاقتي بيهم لدرجة ان الناس كانت بتحسبني فشلت في الشغلانه الجديده ورجعت مكاني القديم احلى حاجه انك متخسريش اصدقاء تعبتي في تكوين علاقه جميله معاهم عشان اي فرصه وفي نفس الوقت اوعي تسيبي الفرصه تضيع عشان بعد كده متحمليهمش ذنبك
جدعه يا ريري موضع فعلا هايل وبيقول الحقيقه اللي جوانا وبنتكسف نقولها عشان محدش يقول علينا وش فقر نكديين
سلاااااااااااااااااااااااااام
يا اللي انتي مش غاويه نكد بس غاويه صراحه
و الله من واقع خبرتى الكبيره بما انى رجل اقتصادى كبيييير
ده بيكون مشكله كبيره بالنسبه للموظف الى بيترقى لمرتبه اعلى منه الى كان فيها
بيحصله له مشكله و بيقوع بين اختيارين
اول حاجه انه يرفض الترقيه و ده عشان يحقق حاجته الاجتماعيه
الى هو يعنى حب الاصحاب و العلاقه الى بينه و بين زمائله فى الشغل الى كان فيه
تانى حاجه
انه يقبل الترقيه دى عشان يشبع
حاجته فى تحقيق الذات و التفدم
و ده بيحصل للى سنه من بين 20 ل25 سنه
تقريباالى انتى عملتيه
ف بجد شوفى انتى محتاجه لاى منهم اكتر
تحقيق الذات و لا الحاجه الاجتماعيه
الى هما اصحابك فى الشغل
و بكده مش هيكون مفيش نكد
__________________________
مامادو حلل المشاكل
اتصل على 0900 و هيرد عليك متخصصين كبار زى كده عشان يحلو مشكلتك
الف مبروك على المكان الجديد ياريري ياحبيبتى
ربنا معاكى وبكرة ان شاء الله هتتعودى عليه
ويارب مايبعدك عن اللى بتحبيهم ابدااااااا
يالا ياريري ياجبيبي مش عاوزة حاجة
سلااااااااام
بينى و بينك عندك حق لان اهم حاجه فى المكان الناس وانتى خلاص كنتى اتعودتى على الناس الى عندك فى المكان الى نص كم
بس انشاء الله يرزققك برضه بناس احسن منهم فى المكان الكم الى انتى رايحه فيه و يوفقك
ربنا معاكى
تحياتى
وكلهم اوغاد
اى مكان والسلام
لا تهتمى بالعلاقات كلة واحد بيدور على مصلحتة وبس وفين يعرف يستفيد
انما اقدر اقول لك خد بالك من الانسان الفقير المحتاج اللى تقدر تقدم لة المساعدة لوجة اللة هنا تقدر ترفع انسانيتك وتقول انا انسان
راعوا الناس الفقراء يرعاكم اللة
kokko
إنتي عارفه طبعا رأيي في الكومنت لأني قلته ليكي أون لاين
خلتيني أعيط يا بت وأنا ماليش نفس أعيط
مش عارفه يا كوكو أقولك إيه
بجد دورت علي كلام بس مش لاقيه
فعلا مش لاقيه
شكرا يا كوكو
ربنا يوفقك يارب
علشان إنتي فعلا تستاهلي كل خير
كييييييييييييب إن تاتش
سلامااااااااااااااااات
sharm
ما تقولش حاجه خااااااااااالص
كفايه البوست بتاعك يا أحمد؟؟
هههههههههه
بذمتك ده بوست تعمله
واضح إن الإمتحانات والمواد اللي في المعامل في كلية صيدله
جابت مفعولها معاك
:))))))))))))
سلامااااااااااات
micheal
يا محاسن الصدف
مايكل .. هو إنت طلعت تبع الناس الوحشين النكديين
هههههههه
طبعا أستاذي
هههههههه
بدل ما هقولك منور هقول ..منكد عليا دايما يا مايكليتو
:))))))
سلامااااااااات
ody911
بلاها الكوسه
خلينا في البدنجان
:)))))
ماله بقي
حلو البدنجان
وبعدين مالكوا كده بقيتوا مقرفين
إن كان إنت ولا أحمد شارم
أدعي عليكوا بإيه
:)))))
نسيت تقول عادي بقي
سلامااااااااااااات
مصر هي أمي
أه غاوياه جدا
وبدور عليه
أعمل إيه في نفسي
الحمد لله
منور يا محمد
سلاماااااااااااات
the alien
أكيد التغيير بيقلق
أهو أنا بجمد قلبي أهو
وربنا يستر
منورني يا بيشو
سلاماااااااااااات
ربنا معاك طبعا
وبعدين هو حد عارف يعمل حاجه بواسطه ولا من غير دلوقتى قولى الحمد لله وان شاء الله فل اكيد هتلاقى ناس سبردو حلوين وتاخدى عليهم هى دى الدنيا
frozen love
الله يبارك فيك
أخدت بالك إنت من الكم والنص كم
:)))))
loooooooooool
ردا علي ال
lol
بتاعتك
خلينا نشوفك دايما
سلاماااااااااااات
الشنكوتي الكبير
معلش يا شنكوتي لو كنت بقلب عليك المواجع
نفي أقلب عليك الأفراح
بس مش بإيدي
أنا والله يا شنكوتي مش بحب خالص أخسر ناس إتعلقت بيهم
بس الظروف دايما بتكون ضدنا وبنبعد
ده أنا لو حكيتلك
هقلب عليك كوارث مش مواجع
فبلاش
:))))))))
بشكرك علي رأيك
وربنا يوفقك
كيب إن تاتش
سلاماااااااااااات
مامادو
هههههههههه
لأ خبير
ومش أي خبير
هات ودنك
أنا عايزه تحقيق الذات
بس برده العشره ما بتهنش
تمام يا باشا
إلا صحيح خلصت إمتحانات ولا لسه مطحون
منور يا خبير يا كبير
:))))))
سلامااااااااااااات
عاشقة الوطن
أيوه كده
خليني أشوف الصوره العسل دي
متهيألي لو عملوا مسابقة أحسن صورة بروفيل
هتاخديها يا رضوي
وبإكتساح
عموما
الله يبارك فيكي يا جميل
منوره كده دايما
سلاماااااااااااات
whyme
أهلا بيك يا إيلاري في أول طله في المدونه
شكرا ليك
ويا رب أرتاح في المكان اللي بكم
خلينا نشوفك دايما
سلامااااااااااات
anonymous
مين اللي كلهم أوغاد ؟؟؟
معلش يعني
مع إحترامي لمنطقك في الحياه
بس أنا مش كده
وعمري ما هكون كده
العلاقات الإنسانيه أولا
طبيعتي كده
وبعدين إنسانية إيه اللي بتتكلم عنها
وإحسان للفقير
وإنت بتنصحني في البدايه ألغي نظرتي للعلاقات الإنسانيه
وكل الحكايه تبقي وشك وشك .. ومصلحتك مصلحتك
الحياه وجهات نظر
سلاماااااااااااات
semsem
هي دي الدنيا فعلا
شكرا ليكي
ومنوره في أول زياره
يا ريت تتكرر
سلامااااااااااات
السلام عليكم ورحمة الله
ان الحقوق فى حد ذاتها لما بتتأخر عن موعدها لا تؤتى ثمارها يعنى لو انا مديون لك مبلغ لاجل معين وانتى عاملة حسابك علية فى هذا التوقيت وجيت انا اخليت بالميعاد فرحتك فى سداد الدين بعد هذا التوقيت لا توازى فرحتك وقت سدادة الأصلى
لكن الله سبحانة وتعالى ادرى بصالحنا خير منا
متنسيش تصلى استخارة
تحياتى
الف مبروك يارحاب
لازم يكون فية شويا من الخوف دة طبيعى لانك رايحة لحاجة جديدة
فترة وتتعودى وتتاقلمى على الوضع الجديد
ربنا يوفقك ويكرمك
تحياتى
قبل اى حاجة
جبتى البلوزة اللى قلتلك عليها يابت
ولا اديكى واحدة من عندى و المقاس واحد
بس خلى بالك دى سنييه مستوردة
يعنى لو اتنتشت بعمرك والله
وبعدين هو النكش على النكد بمنكاش ده لسة دمك
الحياة عاملة و الدينا مضلمةو افقد كل اللى املكه
انتى فى حد فى عيليتكو شيوعى يابت؟؟
اصلا انا عارفة انتى متنكدة ليه
منتى مش راضية تسمعى كلامى ونضبط نفسنا
غيرنا ضبط نفسه و روق
وحسرتينى على نفسى و بختى مكتفيتيش ان الحسرة تبقى عليكى لوحدك
انا اتفقت مع اللمبى خلاص نعدى عليه بكرة بعد الشغل هيدينا اول ليسون فى الانحراف
Regards:
lojain :)
مبروك يا رحاب
من خبرتي المتواضعة اقدر اقوللك انك اتنقلتي الجامعة
بس اقدر اقوللك ان وزارة الصحة رغم سلبياتها الا ان ليها والله مميزاتها برضة
ربنا يوفقك يا رب
تحياتي واحتراماتي
ربنا يستر بقى المرادي
أصل مدونتك مش عارف ليه انا مش نازلها من زور حاولت ارد على البوست بتاع شغل البنات قبل كده و اكنت اول مرة ادخل بلوجك و عينك ماتشوف النور كل البلوجات شغاله و زي الفل و بلوجك ابداااااااااا اربع مرات لما زهقت
المهم
صدقيني انا كنت باحسبها كده لفترة كبيرة جدا ماكنتش باعترض على قضاء ربنا بس كنت بازعل و باقول ياااااااه لو كان حصل كذا بس بجد لما تفكري بعقل حيادية اكتر هتعرفي ان اللي حصل افضل شئ كان ممكن يحصل مش معنى كده ماتحاوليش تخلي بكرة احلى لكن معناه انه لو مجاش احسن اضحكي لانه بقى انهارده و قولي ان اكسد بكرة لسه مجاش و لما ييجي هييجي احسن
تحياتي
يوووووووووووووووووه
دة انتى لسة قدامك حاجات من دى كتيييييييير
احنا عندنا مشكلة هنا فى مصر وهى اننا بنقاوم التغيير دايما
ونحب اللى نعرفه عن اللى ما نعرفوش
انشاء الله تتعودى على شغلك الجديد وتمبسطى فيه
تحياتى
جربي جربي .. محدش واخد منها حاجة
استمتعي دايما بانك تشوفي حاجات جديدة و ناس جديدة و لو المكان طلع بكم طويل شوية نبقي نقصة ولا حاجة :)
والليه يا ريري الصحبةوالناس الحلوة متتعوضش والواحد يا اما ضحى بشغل افضل وفلوس اكتر قصاد ناس حلوة عرفها وربنا يقدرك ويعوضك خير تحياتي ياقمرة
يا بنتى انتى شبهى فى حاجات كتير اوى
بس اقولك .. امسكى نفسك و كونى قويه واذا كان على المكان الجديد بكرة تتعودى عليه .. بجد بجد بجد ربنا يوفقك يا رب يا بت يا ريرى ويكرمك ياااااااااااااارب فى المكان الجديد
وسلاماااااااااااااات
:)))
كله على الله
حاسة بيكى جدا لأنى برضة كنت عايزة أسيب مكان شغلى وأنا اللى سعيت للنقل بس للأسف بعد ما أتنقلت ندمت وحسيت باللى أنا كنت فيه كنت متعلقة بالناس وبالمكان وبكل حاجة
بس دى أكيد مراحل فى حياتنا ولازم نمر بيها
تحياتى
الفراق هو النهايو الطبعية لاى علاقة
سواء علاقتك بالمكان
او الاشخاص
ولا انتى مش سبتيهم
هما هايسيبوكى
مبروك ياق مر على النقل
جايز انتى اتعودتى على المكان القديم بس أكيد النقل لمكان أحسن أفضل بكتير
كل شئ جديد بيبقى غامض ومبهم
بس أكيد بعد فتره هتتعودى عليه
زى ما تعودتى على المكان الأول بالظبط
ربنا يوفقك يارب
قبلاتى
رحاب
أنا مجرب اللى انتى بتقولى عليه ده من وقت قريب لما سبت الشغل القديم و رحت الشركة الجديدة
أنا مكنتش متضايق انى سايب الشغل القديم لأنى كنت هموت و اسيبه و بردو الموضوع ده اتأخر لكن لما رحت الشركة كان كل شئ فيها تقريبا جديد عليا ناس و اسلوب و شغل و مستوى تانى برغم انى كنت شغال فى اكبر سلسلة صيدليات فى مصر لكن بردو اتنقلت لمستوى اعلى بكتير
كنت خايف المس اى حاجة من حواليا أو اقول كلمة تطلع مش صح أو مش فى مكانها
حبة بحبة ابتديت اخد على المكان و الناس و الشغل، و بتكلم اكنى واحد قديم فى المكان
مسألة وقت يا رحاب ليس إلا
و بعدين ايه موضوع التكليف ده يا بنتى، هو لسه فى حد بيشتغل فى الحكومة...و الله يا رحاب أنا مش بتريق و لا حاجة لكن ليه متفكريش انك تسيبى الحكومة و تجربى حاجة تانية فيها تحديات و شغل بجد و فلوس احسن بكتير
على أى حال اتمنالك الخير فى المكان الجديد
تحياتى
ربنا يوفقك يا رب
و صدقيني كده احسن
و زي ما اتعودتي علي اللي فات
هتتعودي علي اللي جاي إن شاء الله
خدي انتي بس اي مضاد حيوي لفيروس النكد ده
و كله هيبقي تمام
تحياتي
الطائر الحزين
ربنا دايما بيكون عنده حكمه من ورا تأخير أي شئ
ممكن نعيها بعدها بفتره
شكرا علي نصيحتك
وعلي المتابعه الجميله
خلينا نشوفك
سلامااااااااااات
tamer nabil
الله يبارك فيك
ربنا يسهل ويكون خير
شكرا يا تامر
خلينا نشوفك
سلاماااااااااات
lojain
ههههههههههه
هبدأ أول ليسون بكره
وهبدأ بقي أشق طريقي
هيه هيه هيه
مش مصدقه نفسي
و بعدين إنتي هتذليني بأم البلوزه بتاعتك
ولا الحوجه ليكي
أنا إستلمتك متحسره كده .. إنتي هتلزقيها فيا
ههههههههه
بس مش مصدقه إن أول ليسون بكره
ده إحنا هنهيص
سلامااااااااااات يا بت يا عسل إنتي
a.samir
الله يبارك فيك يا أحمد
أه طبعا وزارة الصحه نوم كده والواحد يروح براحته والساعه12 أكون في البيت واليوم بعد كده بتاعي
أنام أخرج أشتغل في صيدليه
عز والنبي عز
وفي آخر الشهر تروح تاخد قرشين أنا شايفاهم أكتر من تعبي بكتير
لأن إحنا ما بنعملش أي حاجه
أه وتنفع أوي المتجوزه
ياللا ... ما أنا بقولك كات علي الآخر
خايفه من الكم يحررني أوي
بس علي فكره انا مش رايحه الجامعه
فكر تاني وإبقي قولي
ما تقطعش الجوابات ولا الزيارات
سلامااااااااااااااات
مادو
أعمل إيه في المدونه الزباله دي
بقي تعمل معاك كده
حقك عليا أنا المره دي
:)))
وكأن كومنتك وصل
أكيد ما دام ربنا جابه يبقي خير
الحمد لله
وشكرا علي النصيحه
منور في تاني زياره
ما أنا حسبت الأولي خلاص
:)))
خلينا نشوفك دايما
سلامااااااااااااات
ياسمين
أه فعلا
التغيير صعب أوي ... الواحد لما بيتعود علي حاجه خلاص
بيبقي عايز يكمل
ما تعرفيش خوف لا ما يرتاحش في التغيير
ويندم
شكرا ليكي يا ياسمين
وكيب إن تاتش
سلامااااااااااات
آخر من الآخريين
ههههههههه
حلوه نبقي نقصه دي
صحيح الواحد قلقان من إيه
أبقي أوديه لترزي يظبطه علي أد ما أنا عايزه
هجرب وهحاول إني أستمتع
شكرا علي النصيحه يا باشا
ما تقطعش الزيارات ولا الجوابات
سلامااااااااااااات
قلوب حائره
ميرسي يا قمر علي كلامك
الواحد مش بياخد كل حاجه
منوره
يا ريت أشوفك كتيييييييييير
سلامااااااااااااااات
shayma
آمييييييييييييييييييييييييين
ياااااااااااااااااا رب
:))))))))
ويكرمك إنتي كمان يا شيمو
ياللي فيكي حاجات كتير مني
البلوج بينور بيكي يا شيمو
سلاماااااااااااااااات
mohamed a.ghafar
شورت أنسرز
بس فيها الخلاصه
كله علي الله
شكرا علي المروووووووووور
وإبقي كرر الزيارات
سلامااااااااااااات
الورده السوداء
أهلا بيكي في أول زياره
هي دي الحقيقه بس بتوجع لللأسف
خلينا نشوفك دايما
سلامااااااااااااات
reemoo
أكيد إن شاء الله هتعود عليه
ميرسي ليكي يا ريم
وإبقي إدعيلي
منوراني دايما علي طول
سلامااااااااااااات يا جميل
أبو ضحي
بص يا أبو ضحي الشغل في الشركات المالتي ناشينول بيكون غالبا في الدعايا
وأنا بصراحه مش حابه خالص مجال الدعايا
مش راكب عليا
ما أنفعش فيه أصلا
مش العيب فيه .. العيب فيا
المكان اللي أنا رايحاه جوه شركه وده مريحني
ربنا يوفقك يا رب
خلينا نشوفك
سلاماااااااااااااات
proid
إن شاء الله يارامي
وهحاول آخد أي حاجه للبتاع اللي إسمه النكد ده
:)))
خلينا نشوفك
سلامااااااااااااااات
لأ يا ريري ده مش نكد.. ده شعور طبيعي و بالذات عند الناس اللي بترتبط بالأماكن و الناس
اللي بيعيش بقلبه.. أقصد اللي بيحط قلبه على ايده و يلم كل حاجة و يحطها فيه
ده إنسان لازم يتعوّد على النكد
مش عشان ه غاوي نكد
لكن علشان هو بشيل تجاربه فقلبه.. و القلب هو المكان الحساس.. و الحساس ده لما تخلعيه من حتة هو خلاص ألفها بيتوجع
بس كده
فهمتي حاجة؟؟
بس أنا فاهمة كويس قوي.. ومبسوطالك..
آه مبسوطة عشان خبر النقل
لكن مبسوطالك أكر عشان عندك قلب بيتعلّق و يألف و يحزن لما يفارق
ربنا ما يجيب فراق
ويا رب تتأقلمي سريعا .. وتتآلفي مع مكانك الجديد و تستقرّي فيه
ولو ان الحياه ما بتعرفش الاستقرار
بس إحنا بنعافر و أمل الاستقرار هو اللي بيخلّي كل التغييرات و لفراق يعدّي بسلام
مبروووووك على الكم الجديد..
:)
رحاب
الحقيقة انا بردو عمرى ما حبات شغل شركات الادوية عشان موضوع الدعايا ده ..أصله بردو مش راكب على شخيتى خالص
و الحقيقة العيب مش فيكى و لا فيا العيب فى طبيعة الشغلانة نفسها
من الاخر هى شغل نصب..اصل انا مش متصور انى اكون شغال على دواء اقل من ادوية منافسة و احاول انى احسن من صورته قدام الدكتور و اخليه يكتبه مقابل هدايا و سفريات و كلام فاضى من شغل النصب ده
فلوسها كتير ايوه...عيوبها اكتر ايوه بردو
انا مش شغال فى شركة ادوية ..انا شغال فى شركة تأمين على الحياة..الشركة دى بتقدم خدمات طبية للمؤمنين لديها..و أنا شغال فى القسم الميديكال ده..و بردو مش شغل دعايا أبدا..بعيد خالص عن الهجس ده
على العموم اتمنالك التوفيق فى المكان الجديد و انك تستريحى فيه و تلاقى نفسك
سلامااااااااااات
كل البنات غاويه نكد !!
تحياتي
هو مش نكد قد ماهو حنين وروح حلوة منك
بس ان شاء الله هناك برضه تلاقى الناس اللى تعوضك وفى نفس الوقت تلاقى الشغل الى كان نفسك فيه
بس ابقى طمنينا
reri
بس يكون ترزي شاطر علشان ميبوظش الدنيا :)
متقلقيش من موضوع الزيارات و الجوابات طول ما انا موجود هتلاقوني موجود لحد ما اقرر اخد اجازة عمال اجهزلها .. كلام في سرك انا لو حد من الاخوة المديرين عرف انا بشتغل قد ايه في اليوم مش بعيد (مش عارف اقول هيعملوا ايه :))
جربي . احنا عايشين علشان نجرب لان محدش جرب قبلنا و هيجي يقولنا ..
نقل سعيد ان شاء الله
مش غاويه نكد ولا حاجه يا ريري
بس هو الانسان كدا دايما بيخاف من المجهول
وبيحب اكتر الاستقرار و الحاجه الي اتعود عليها
وانشاء الله يطلع بكم بس خفيف مايحرركيش و هاتتبسطي ان شاء الله
وبعدين وعسى ان تكرهوا شيئا ويجعل الله فيه خيرا كثيرا
خير خير ان شاء الله
و مبروك
ولا نكد ولا حاجه
فاكره يوم مسيبتي المدرسة علشان تروحي الجامعة
كانت فرحة وبرضه كنتي زعلانه
وده مش اكتئاب ده مجرد الم فراق بس وبرضه حتتعودي على المكان الجديد زي متعودتي على اللي قبله
والجديد احسن زي مبتقولي
ربنا يكرمك يا دكتورة
هى دى طبيعة البشر مش بيرضى بسهولة بس اذا بصيتى لاى شئ عدا عليكى هتلاققى برضه بدايته كانت صعبة بس بعد كده كل شئ بيكون عادى وبننسى ومبيبقاش غير بس الميزات اللى منتظراها يعنى الامر سهل جدا بلاش نكد بقى
يعنى رايحة حتة حلوة
ومش عاجبك
:S
صباحووو نكد
ربنا يوفقك يا دكتورة رحاب
مليون مرة
عايزة اكتر ولا كفاية كدة؟
حلو اوي موضوع مكان نص كم لمكان كم دي
تحياتي ليكي وموضع جميل
تحياتي
اولا تمنياتي لك بالتوفيق في اي مكان تذهبي اليه.
ثانيا...اي مكان تتواجدي فيه ممكن يبقي جنه...اذا تغاضيت عن العيوب و رايت المميزات...
ثالثا...الشخصية الجميلة بتفرض نفسها و احترامها علي الغير.
رابعا... التمسك بالاماكن و الاشياء كالسيارات مثلا...او الاغراض الاخري ظاهرة في حياتنا...و غالبا لدي مواليد برج العذراء.
أخيرا ...انت بأذن الله مؤهلة للتعامل مع المكان الجديد كمكان و كاشخاص...
تحياتي و مرة أخري بالتوفيق دائما.
الحمد لله انك هتروحي مكان احسن
كل شيء بوقته اللي ربنا كاتبه ليه
المهم تثبتي نفسك في الشغل الجديد و تعزميني علي حلاوة الشغل الجديد
يا دكتور ميهمكش بس شوفت الوساطه عملت فيك ايه فعلا الواحد ميعرفش الخير فين يعنى تخيلى كدة اول يوم روحتى فيه على المكان النص كم او الكت ده كان شعورك ايه حاسه انك هتتخنقى وكدة وناس غريبه
وخلاص اتعودتى عليهم والحياه بقت حلوة لعلمك انتى عامله ذيى عشريه ومبيهنش عليكى العشره وبتحسى بنهايه العالم لما بتيجى تفارقى مكان اتعودت عليه
بس باذن الله يكون خير وتفرحى بالصحبه الجديدة وربنا يوفقك
وانتي بتقولي ادعولي يا جماعه ادعولي
.
.
تذكرت مشهد من فيلم الزوجة الثانية
عندما طلبها اخو العمده من اهل القرية
.
.
فتسابق الجمع الغفير في صوت واحد
" يعمر بيت ابوه "
.
.
القدر والنصيب عادة ما يكون له راي مختلف
قد يكون فيه المصلحه والانسان لا يدري
فهكذا كانت حكمة الله
.
.
وحتي يجانبنا الصواب دعينا نثق في اختيار القدر لنا
تحياتي والسلام
طب ايه ؟؟ فين ؟؟ المكان الجديد عشان يبقى لينا فيه كوسه لو احتجنا حاجه و لا احنا في النكد مدعوين و الكوسه منسين ؟ بالمناسبه مين بتاع كلهم اوغاد ده ؟؟ خونه خياااانه..ما علينا حصل خير انشاءالله
ريرى أنا منسيتش
بس مش ينفع أقول عادى على الكوسة
ممكن أقول على البتنجان
عارفة لية
علشان إللى مخلينى لسة مشتغلتش إنى مليش فى الكوسة
يارب توب علينا منها بقة
وعادى بقة
أودى
دة بس علشان متزعليش وتقولى حقودى يعنى
;)
ربنا بفكها عليك
وعلينا
قادر يا كريم
ههههههههههههههههه
الفقري فقري برضه يا ريري
يا بنتي اللي يجي متاخر لما تخشي فيه صدقيني هتلاقي حاجا احسن بكتير
اساليني انا
فترة وهتتأقلمي برضه
ومش تنسي ان الحياة دي فراق بعد لقا
يعني لازم تتعودي علي كدة ومش تزعلي
زي برضه لما تروحي مدرسة وتسبيها
وتروحي الجامعه وتلاقيها حلوة وتسبيها وتروحي شغل تاني وتكوني مبسوطة وهكذا
وتتوالي الايام
يعني مش تزعلي وقولي الحمد لله
hannoda
فاهماكي أوي
يمكن علشان لخصتي مشكلتي
ياللا الحمد لله
مشاعرك رقيقه زيك وزي كلامك يا هند
الله يبارك فيكي
وعقبال كمك
ههههههههه
:))))))))))
عايزه رأيك دايما يا هند
سلاماااااااااااات يا جميل
أبو ضحي
ربنا يوفقك يا زميل المهنه
وكويس إنك بعيد عن الدعايا
:)))
منورني دايما بمتابعتك الجميله
سلاماااااااااااااااااات
la2 mesh nakad wala 7aga feen el nakad dah
dah fa2r be3eed 3annek
mesh mohem elly 7asaelk eh el mohem 3eshy kol la7za b la7zetha men 3'eer mato3dy te2ala2y w beta3 la2en law 2ala2ty mesh hate7sy b far7a fe 2ay 7aga
enama law 7asety belfar7a w ba3deen 2esdamty mesh mohem 2aho 3ala el 2a2al fere7telek 7abteen
ربنا يوفقك يا ريري
وواضح انك مش غاوية نكد ولا حاجة
دمك خفيف يا مضروبة
عادي بالوقت ييجي التعود
وبعد التعود تكتشفي حاجات مش تمام
ترجعي تقولي يا ريتني
مفيش حاجة في الدنيا كم
كلها نص كم
بس اللي يتعود
بالتوفيق
كتب شاعر وكل الافاقين خافوا
وفاض الكيل باششعاركوا وبخلافه
و واو العطف لوهتزيد على بيتك
هقول شاعر مبوظ شعر اسلافه
إبن ناصر
شكرا يا سيدي علي المجامله الرهيبه دي
:))))
سلاماااااااااااااااات
بحب السيما
شكرا ليك ... إن شاء الله خير
منور في أول زياره
إبقي كررها كتير
سلاماااااااااات
آخر من الآخرين
ههههههه
باين عليك مقطع نفسك في الشغل
مش ملاحق يا عيني
الترزي إبقي دلني عليه بقي وقتها
:)))
منور دايما
سلاماااااااااااااات
rosa
شكرا ليكي يا روز
ومعاكي حق
منوره يا قمر دايما
سلاماااااااااااات
زحل الفلكي
الفراق ده أصعب حاجه في حياتنا
طول ما إحنا عايشين هو ورانا
شكرا ليك
ما تقطعش الجوابات ولا الزيارات
سلاماااااااااااااات
أمام الجيل
غاوياه ... ههههه... دايما فعلا كل شئ في أوله بيكون صعب
خلينا نشوفك
سلامااااااااااااااات
سفاح كرموز
ومساه وحياتك يا سفاح
أولع في نفسي يعني
:))))))
خلينا نشوفك
سلاماااااااااااات
أحمد مختار عاشور
مليون بس
ههههههههه
ربنا يكرمك
شكرا ليك
خلينا نشوفك
سلاماااااااااااااات
تامر حسين
شكرا
أي خدعه
منور في أول ظهور لك في المدونه
إبقي كررها كتير
سلاماااااااااااااات
الربان
ربنا يخليك
بس أنا مش برج العذراء
أنا الميزان
جات آوت دي
ما تقطعش الزيارات ولا الجوابات
سلامااااااااااات
spyfun
الحمد لله طبعا
وكل شئ وله أوان
بس إيه حكاية الحلاوه دي
بدأنا في الطمع بقي
هههههه
منور دايما
سلاماااااااااااات
ضد الظلم
إنت بتقول فيها .. والله فعلا أول يوم في المكان الكات كان عندي إكتئاب حاد مزمن...بس سبحان الله
وأنا جاي أسيبه كان صعبان عليا جدا
هعمل إيه بقي
خلينا نشوفك علي طول
سلامااااااااااااااات
آدم المصري
يعمر بيت ابوه
ههههههههه
بقي أنا فكرتك بالمشهد ده
ماشي
أكيد اللي ربنا بيختاره لينا بيكون أحسن إختيار حتي لو شوفناه مش كويس دلوقت بيبان بعدين إنه كان أحسن حاجه لينا
خلينا نشوفك
سلامااااااااااااااات
إنتظار مؤقت
هو أنا أقدر برده أنساكوا في النكد ولا في الكوسه
بس قولي إنت عايز كام كيلو
وأنا أبعتهملك علي المدونه حالا
:))))))
أما الأخ بتاع كلهم أوغاد
والنبي ما أعرفه
لو عرفته هقولك فورا
بس هو ليه ما كملش صحيح وقال خيانه
:)))))
خلينا نشوفك
سلامااااااااااااااات
ody911
ربنا يوفقك إن شاء الله
وتلاقي شغل مناسب
بس إنت حب الكوسه
دي حتي بتبقي محشي حلو
:))))))
ربنا معاك
عادي يا إبني زيك كتييييييييييييييييير
خلينا نشوفك
سلامااااااااااااات
طهقان
أمين
فكها من عندك يا رب
إبقي كررها كتير يا طهقان إنت وطهقانه
سلاماااااااااااااات
سمراء النيل
الظاهر يا بت يا إنوج الفقري فقري وهيفضل طول عمره فقري
:)))))
الحمد لله طبعا ... بس دايما الفراق في أوله بيكون صعب
خلينا نشوفك دايما
سلاماااااااااات يا جميل
emos
هههههههههه
فقر بعيد عني
وبعيد عني ليه
هيبعد يروح فين
ههههههههه
فقر ونكد وخلطه كده عجيبه
هحاول أفرح
علشان أفرحلي حبتين علي رأيك
خلينا نشوفك دايما
سلاماااااااااااااات
إبراهيم محسن
وحياتك هتلاقي كله في الآخر كات
وميرسي علي المجامله يا مضروب
ههههههههه
ما تقطعش الزيارات ولا الجوابات
سلامااااااااااااااات
حقي أهرتل
أه حقك .. هرتل براحتك
البيت بيتك
سلامااااااااااااات
ربنا يعينك و تخلصي من التكليف كله, أسف لأن مداخلتي جايه متأخره
أصعب شئ علي الواحد منا أنه يفترق عن أصدقاء تعود عليهم وفهموه وفهمهم بس هتلاقي أصدقاء تانيين في في مكانك الجديد
يارب يوفقك في اي مكان تروحي فيه وتلاقي فيه الخير كله
ربنا معاكي وتقدري تعملي صدقات جديدة بس حافظي علي القديمة
تحياتي
مبروك الف مبروك يا رحاب بجد
هقولك ايه
ربنا معاكى يا بنتى ومعايا ومع كل الناس
انا بردو زيك كده اصلى غاويه نكد
بس مش عارفه
حسه انى بتفق معاكى اوى
او كأنك بتكلمى عنى
تمام كده
.................
يلا دى دعوة للقاء المدونين فى بورسعيد
للتواصل ..لقاء صيفى جدا
ولمزيد من التفاصيل زورى مدونتى
تحياتى يا قمر
منتظر تعقيبك على البوست الجديد
http://sfahmy78.blogspot.com/2007/06/blog-post.html
ايه بانتى
طمنينا عليكي بقالك كتير مكتبتيش حاجة جديدة
انتى فينك؟
هو "الكم" واخدك مننا اوى كده
ياستى ربنا معاكى
دا مش نكد
انتى بس انسانة حساسة شويه واتعودى ترضى بقليله
بس الحمد لله ربنا كرمك
انا برده زيك
كل ما اتعود على حاجة تروح منى
معرفش ليه
وبدعى ربنا يكرمنى زيك بحاجة ليها كم كده
مدونتك جميلة
انل مرة ازورها
اتمنى ابقى صديقة
تحياتى
رحاب هانم
من موقعي هنا كرقم 109 في الكومنتات
احب ابلغ سيادتك ان ليكي تاج عندي
يرجى سرعة الاجابة
تحياتي واحتراماتي
ندعوكم لزيارة مدونة خليك فى البيت والمشاركة فى الحملة
ريري
أنا جيت أطمن ايه أخبار الشغل الجديد و ايه أخبار التأقلم؟؟؟
يا رب يسعدك و يسمعنا عنك أخبار كويسة
تحياتي
كلنا بقينا غاويين نكد وكاننا بقينا بنحب نعذب نفسنا
علي العموم ربنا معاكي
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
ربنا يوفقك بجد ويكرمك اوى
ربنا يعينك يا قمر
وماتقلقيش
اللي تاخفي منه ما يجيش أحسن منه
سلام
الف مبروك يا جميل
الدور و الباقي على اللي قاعد في مكان الشيرت بتاعه كات
cut
الف مبرو:)
عقبال ما تبقي وزيرة الصحة:)))
Post a Comment